ဖလမ်းမြို့တွင် ပညာရေးဆိုင်ရာဟောပြောပွဲပြုလုပ်

Home » Chin News » ဖလမ်းမြို့တွင် ပညာရေးဆိုင်ရာဟောပြောပွဲပြုလုပ်

By Admin on July 23, 2017. No Comments

ဖလမ်းမြို့တွင် ပညာရေးဆိုင်ရာဟောပြောပွဲပြုလုပ်

Chin World
July 24, 2017
ချင်းပြည်နယ်၊ ဖလမ်းမြို့တွင် ဇူလိုင် (၂၂) ရက်နေ့၌ ပညာရေးဆိုင်ရာဟောပြောပွဲ တခုအား ပြုလုပ်ခဲ့ပြီး၊ ပရိတ်သတ် (၁၁၀) ခန့် တက်ရောက်နိုင်ခဲ့သည်ဟု သိရသည်။
ဖလမ်းမြို့၊ FBA ခန်းမတွင် ကျင်းပခဲ့သော Major Awareness နှင့် ပညာရေးဆိုင်ရာ ဟောပြောပွဲအား Global Falam Youth Organization (GFYO) မှ စီစဉ်ကျင်းပခြင်းလည်း ဖြစ်သည်။
GFYO ၏ အတွင်းရေးမှူးဖြစ်သော Salai Bawibawi Van Bawi Lian မှ “ဒီအစီအစဉ်ပြုလုပ်ရတဲ့ အဓိကရည်ရွယ်ချက်က- ၁၀ တန်းအောင်ပြီးတဲ့အခါမှာ တက္ကသိုလ်တက်ဖို့လိုင်းတွေရွေးချယ်တဲ့အခါ၊ ကိုယ်ဝါသနာပါတာ၊ ကြိုက်တာမျိုးတွေထက်၊ ပတ်ဝန်းကျင်၊ ဆရာမတွေနဲ့ သူငယ်ချင်းတွေအကြိုက်လိုက်တာမျိုးတွေကို အတွေ့များတယ်။ ဒါကြောင့် ဒီဘာသာရပ်ဆိုင်ရာတွေနဲ့ ပတ်သက်ပြီး ဝေငှတာမျိုးနဲ့ ပညာရေးနဲ့ ပတ်သက်တဲ့ သတင်းအချက်အလက်တွေ၊ အတွေးအခေါ်တွေကို ဝေငှချင်လို့ဖြစ်ပါတယ်။” ဟုပြောသည်။
ဝေငှပြောကြားသူများအဖြစ်- ဟားခါးကောလိပ်မှ Saya Van Ro Sum မှ “တက္ကသိုလ်မေဂျာလိုင်းရွေးချယ်မှုနှင့် ဘာသာရပ်အလိုက် အရေးပါမှုနှင့် တက္ကသိုလ်ကျောင်းသားများ သိသင့်သည့်အချက်များ”အကြောင်း၊ Tahan Thelogical College မှ Professor ဖြစ်သူ Saya J. Khum မှ “နိုင်ငံခြားပညာသင်အခွင့်အလမ်းများအကြောင်း”နှင့် Dr. Henry Za Lal Lian မှ “NGO လောက လုပ်ငန်းအတွေ့အကြုံများနှင့် သူ၏ ကျောင်းသားဘ၀အား ဝေငှခြင်း”များပြုလုပ်ခဲ့ကြသည်ဟု သိရသည်။
ထို့ပြင် ယခုနှစ် ၂၀၁၆-၁၇ ပညာသင်နှစ်၏ တက္ကသိုလ်ဝင်တန်းစာမေးပွဲ၌ ဘာသာစုံဂုဏ်ထူးရရှိနိုင်ခဲ့သော ချင်းပြည်နယ်၊ ဖလမ်းမြို့နယ်၊ Simcing ရွာမှ Mai Lal Nun Mawi အား ဂုဏ်ပြုလွှာနှင့် ဂုဏ်ပြုငွေ (၁၀၀၀၀၀) ကျပ်အားလည်း ချီးမြှင့်ခဲ့သည်။
ထိုနည်းတူစွာ စစ်ကိုင်းတိုင်းဒေသကြီး ကလေးမြို့တွင်လည်း ဇူလိုင်လ (၁၆) ရက်နေ့၌ ဖလမ်းကျောင်းသားများအသင်း (FPTP) မှ ဦးဆောင်ကာ ချင်းကျောင်းသားများအတွက် Major Awareness Workshop ကိုလည်း ပြုလုပ်နိုင်ခဲ့ကြသည်။

Latest Post

Leave a Reply

Your email address will not be published. Required fields are marked *