ချင်းပါတီပူးပေါင်းရေးအပေါ် ချင်းလူမှုအဖွဲ့အစည်းအချို့၏ အမြင်သဘောထားဘယ်လိုရှိသလဲ

Home » Chin News » ချင်းပါတီပူးပေါင်းရေးအပေါ် ချင်းလူမှုအဖွဲ့အစည်းအချို့၏ အမြင်သဘောထားဘယ်လိုရှိသလဲ

By Salai Gei on December 20, 2017. No Comments

ဦးသဲရ ( Chin Human Rights Organization)

ကျွန်တော့်အထင်တော့ နိုင်ငံရေးအရ ကျွန်တော်တို့လူမျိုးအနေနဲ့ ဘုံရပ်တည်ချက်ရှိလာနိုင်မယ်။ အဲလိုရှိလာနိုင်တယ်ဆိုရင် နောက်ပိုင်းမှာ ကျွန်တော်တို့နိုင်ငံရေးနဲ့ပတ်သက်ပြီး အလုပ်လုပ်တဲ့အချိန်မှာ အင်အားလည်းပိုရှိလာမယ်။ ပြီးတော့ စည်းလုံးမှုလည်းပိုရှိလာနိုင်မယ်။ ဒါကြောင့် ချင်းပါတီတစ်ခုအဖြစ် ရှိလာဖို့က ကျွန်တော်တို့လူမျိုးအနေနဲ့လိုအပ်နေတာလည်းရှိတယ်။ အခုလိုကွဲကွဲပြားပြားရှိနေမယ်ဆိုရင်တော့ ကျွန်တော်တို့မစည်းလုံးရာလည်းကျတယ်။ ဒါကြောင့် အဖြစ်နိုင်ဆုံး ပါတီခေါင်းဆောင်တွေအနေနဲ့ ပုဂ္ဂိုလ်ရေးတွေကို ထားခဲ့ပြီး ချင်းတစ်မျိုးသားလုံးအတွက် စဉ်းစားလုပ်ဆောင်ဖို့လည်း တိုက်တွန်းချင်ပါတယ်။

 

 

 

 

 

ဦးယာကုန်ထန် ( Chin Zone Coordinator , Gaia Institute )

ချင်းပါတီတွေပူးပေါင်းနိုင်ဖို့ဆိုရင် သူတို့ထားတဲ့စံတန်ဖိုးတွေမတူဘူးဆိုရင်တော့ ခက်ခဲမှုတွေတော့ ရှိနိုင်ပါတယ်။ ဒါကြောင့် စိတ်ရှည်ရှည်နဲ့ တူညီတဲ့စံတန်ဖိုးတွေကို အားသာချက်အဖြစ် အသုံးချပြီး မတူညီတာတွေကို ငြင်းပယ်ဒါမျိုးဆိုရင် ပူးပေါင်းဖို့လွယ်ကူသွားမှာပါ။ ခေါင်းဆောင်တွေအနေနဲ့လည်း စိတ်ရှည်ရှည်ထားပြီး ဆွေးနွေးသွားမယ်ဆိုရင် ပူးပေါင်းနိုင်မှာပါ။

ဒေါက်တာခင်မောင်သိန်း ( M&E Officer, Chin Civil Society Network)

ကျွန်တော်တို့ချင်းပါတီတွေမကောင်းတာက ချင်းပြည်နယ်ပြင်ပ ကလေးမြို့ဖက်မှာလည်း ကြုံတွေ့ခဲ့တာ ကတော့ ၁၉၉၀ တုန်းကလည်း ချင်းပါတီတွေရှိခဲ့ပေမယ့် မစည်းလုံးခဲ့ကြဘူး။ ဒါကိုတော့ ထားလိုက်ပါတော့ ၂၀၁၀ ရွေးကောက်ပွဲတုန်းကဆိုရင်လည်း ချင်းတိုးတက်ရေးပါတီ၊ ချင်းအမျိုးသားဒီမိုကရက်တစ်ပါတီနဲ့ နောက်ပိုင်းမှာ ဇိုမီးဒီမိုကရေစီအဖွဲ့ချုပ် ရှိခဲ့တာပေါ့။ စစ်ကိုင်းတိုင်းချင်းရေးရာဝန်ကြီးအတွက်တော့ တစ်နေရာမှာ ရထားပြီးသားပေါ့။ ရွေးကောက်ပွဲမှာတော့ ချင်းတွေအမြဲရှုံးခဲ့တာချည်းပဲ။ ၂၀၁၅ ရွေးကောက်ပွဲမှာလည်း ချင်းပါတီတွေဝင်ပြိုင်ခဲ့ပေမယ့် ရှုံးခဲ့တယ်။ ၂၀၁၀ တုန်းကတော့ ချင်းပါတီတစ်ခုကနေ ချင်းရေးရာဝန်ကြီးရခဲ့တော့ အတော်ကောင်းတယ်ပြောရမယ်။ ၂၀၁၅ မှာတော့ တစ်နေရာမှ ချင်းပါတီတွေမရတော့ဘူး။ ဒါကြောင့် ချင်းပါတီတွေ မဲမကွဲအောင် မပူးပေါင်းဘူးဆိုရင် ၂၀၂၀ မှာလည်း ချင်းပါတီတွေပြန်ရှုံးအုံးမှာ။ ချင်းပါတီတွေပူးပေါင်းဖြစ်တယ်ဆိုရင်တော့ ဒီစစ်ကိုင်းတိုင်း မဲဆန္ဒ နယ်မြေ (၂) ကချင်းတွေပဲနေတာဆိုတော့ ချင်းပါတီတွေအနေနဲ့ တိုင်းဒေသကြီးလွှတ်တော် မှာအနိုင်ရနိုင်ခြေရှိတယ်။ ပြီးရင် ချင်းရေးရာဝန်ကြီးနေရာလည်း ချင်းပါတီကနေ အနိုင်ရနိုင်မှာဖြစ်တယ်။

Latest Post

Leave a Reply

Your email address will not be published. Required fields are marked *