တောင်ဇလပ်ပန်းများအားကာကွယ်ရန်Campaign ၃၀ ရက်နေ့တွင်ပြုလုပ်

Home » Chin News » တောင်ဇလပ်ပန်းများအားကာကွယ်ရန်Campaign ၃၀ ရက်နေ့တွင်ပြုလုပ်

By Salai Gei on January 2, 2018. No Comments

တောင်ဇလပ်ပန်းများအားကာကွယ်ရန်Campaignကို သိုင်ငင်းလမ်းခွဲနှင့် ထုတ်လိုင်လမ်းခွဲ(လေထန်ကုန်း) တွင်တီးတိန်လူငယ်များ နှင့်သစ်တောဌာနပူးပေါင်းပြီးဒီဇင်ဘာလ (၃၀) ရက်နေ့တွင်ပြုလုပ်ခဲ့ကြသည်။

သိုင်ငင်းလမ်းခွဲသည် ကလေး နှင့် တီးတိန်၊ ဖလမ်း၊ ဟားခါးကြားသွားလာလျက်ရှိသည့်မော်တော်ယဉ်များ ဆုံရာလမ်းခွဲတစ်ခုဖြစ်ပြီး Campaign ဦးဆောင်အဖွဲ့မှ ခရီးသွားကားများနှင့်ခရီးသည်များကို စတီကာနှင့်လက်ကမ်းစာစောင်များဖြန့်ဝေခဲ့ကြသည်။

Campaign ဦးဆောင်သူတစ်ဦးဖြစ်သည့် မုန်နိုးက ” နှစ်နေရာမှာလုပ်တာပေါ့။ လူငယ်အင်အား ၂၀ လောက်ရှိတယ် ။ကျွန်တော်တို့ ခရီးသွားတွေကိုလည်း Survey ကောက်တယ်။ရရှိချက်တွေကို စာတမ်းလုပ်ပြီး လွှတတော်နဲ့အစိုးရကိုလည်းပေးပို့သွားပါမယ်” ဟုပြောသည်။

စတီကာတွင် တောင်ဇလပ်ပန်းပုံနှင့်အတူ တောင်ဇလပ်ပန်းများကိုကာကွယ်ပါဆိုသည့်စာဖြင့်လည်းကောင်း၊ လက်ကမ်းစာစောင်တွင် တောင်ဇလပ်ပန်းသည် ချင်းပြည်နယ်၏ သင်္ကေတဖြစ်ကြောင်း၊ အပင်ရှင်သန်ရန် ၃၀ ရာခိုင်နှုန်းသာသေချာသဖြင့် သဘာဝအလျောက်ပေါက်သည့်အပင်ကိုကာကွယ်ရန်၊ ယခင်ကတောင်ဇလပ်ပန်းအဖြူများပင်ရှိခဲ့သော်လည်း ထိန်းသိမ်းမှုနည်းခြင်းကြောင့် တောင်ဇလပ်ပင်အနီများကိုသာတွေ့ရတော့ကြောင်း၊ အချိန်မီမကာကွယ်ပါကအနီလည်း နောင် ၁၀ နှစ်တွင်မြင်တွေ့ရတော့မည်မဟုတ်ကြောင်း ပါရှိသည်။

ခရီးသွားပြည်သူများမှချင်းတောင်၌သဘာဝအလျောက်တစ်နှစ်တစ်ကြိမ်သာပွင့်သည့် တောင်ဇလပ်ပန်းကို အကိုင်းချိုးခြင်း၊ အပင်လိုက်ခုတ်ခြင်းများ နှစ်စဉ်ဖြစ်ပွားပြီး ယခုနှစ်တွင် အဆိုပါလုပ်ရပ်များ လူမှုကွန်ယက်စာမျက်နှာတွင် ပိုမိုကျယ်ပြန့်လာခဲ့သည်။

လွန်ခဲ့သည့်ရက်များကလည်း ခေါ်နူးစုမ်တောင်တွင် တက်ကြွချိုးလူငယ်များပူးပေါင်းပြီး တောင်ဇလပ်ပန်းမခူးရန် ပေါ်စတာကပ် campaign ပြုလုပ်ခဲ့ကြသည်။

+3

Latest Post

Leave a Reply

Your email address will not be published. Required fields are marked *