အသုံးမပြုသည့် ဘိုးဘွားပိုင်နယ်မြေအား အစိုးရလုပ်ငန်းအတွက်ပေးသင့်ဟု စည်ပင်ညွှန်မှုးဆို

Home » Chin News » အသုံးမပြုသည့် ဘိုးဘွားပိုင်နယ်မြေအား အစိုးရလုပ်ငန်းအတွက်ပေးသင့်ဟု စည်ပင်ညွှန်မှုးဆို

By Salai Gei on January 25, 2018. No Comments

ဘိုးဘွားပိုင်မြေအပေါ် လုပ်ငန်းလုပ်ကိုင်မှုမရှိလျှင် အစိုးရ၏ လုပ်ငန်းအတွက် ပေးသင့်သည်ဟု ချင်းပြည်နယ် စည်ပင်ညွှန်ကြားရေးမှုး ဦးထလာဟရဲကပြောသည်။

ဦးထလာဟရဲက အချို့ ဘိုးဘွားပိုင်နယ်မြေပိုင်ဆိုင်သူများအနေဖြင့် ဒေသဖွံ့ဖြိုးရေးအတွက် နားလည်မှုရှိပြီး အစိုးရ၏ လုပ်ငန်းများအတွက် နယ်မြေပေးမှုများရှိသကဲ့သို့ ထိုသို့ နားလည်မှုရှိသူများအပေါ်လည်း ကျေးဇူးတင်ကြောင်းပြောသည်။

ဦးထလာဟရဲက “ကျွန်တော်တို့ ချင်းပြည်နယ်မြို့တော်အနေနဲ့လည်း တိုးတက်ဖို့အစပျိုးနေတယ်ဆိုတာကို  တစ်ချို့ဘိုးဘွားပိုင်နယ်မြေပိုင်ဆိုင်တဲ့သူတွေက သိတယ်။ နားလည်ကြတယ်။ သူတို့က တော့လိုအပ်ရင် သုံးဖို့ဆိုတာမျိုးပြောကြပါတယ်။ ကျွန်တော့်အမြင်ကတော့ ဘိုးဘွားပိုင်နယ်မြေရှိတယ်ဆိုတာ ထောက်ခံတယ်။ ဒါပေမယ့် ပါးစပ်နဲ့ပဲပြောပြီး အဲဒီမြေနေရာမှာ ဘာမှမလုပ်ဘူးဆိုရင် အစိုးရအနေနဲ့ အဲဒီမြေကို အသုံးပြုသင့်တယ်လို့ထင်ပါတယ်” ဟုပြောသည်။

လက်ရှိအချိန်တွင် အစိုးရမှ မြို့ပြစီမံကိန်းများ တိုးချဲ့မှုအပေါ် ဒေသခံ ဘိုးဘွားပိုင်နယ်မြေပိုင်ဆိုင်သူများနှင့် ပြသနာအချို့ဖြစ်ထွန်းခြင်းကြောင့် ဆန္ဒထုတ်ဖော်မှုများလည်းရှိခဲ့သည်။

Latest Post

Leave a Reply

Your email address will not be published. Required fields are marked *