”ကျွန်တော်တို့ နတလကျောင်းရဲ့ကိစ္စနဲ့ပတ်သက်ပြီးတော့ လူတွေကပြောကြတယ်။ဘာသာရေးအရ စည်းရုံးချင်လို့ဖွင့်တယ်ဆိုပြီး ပြောကြတယ်။ ဒါက လုံးဝမှားပါတယ်။”နယ်စပ်ဒေသတိုင်းရင်းသား လူငယ်များ ဖွံ့ဖြိုးရေးသင်တန်းကျောင်း လက်ထောက်ညွှန်ကြားရေးမှူး ဦးဂေလိန်းမောင်းနှင့်တွေ့ဆုံခြင်း

Home » Interview » ”ကျွန်တော်တို့ နတလကျောင်းရဲ့ကိစ္စနဲ့ပတ်သက်ပြီးတော့ လူတွေကပြောကြတယ်။ဘာသာရေးအရ စည်းရုံးချင်လို့ဖွင့်တယ်ဆိုပြီး ပြောကြတယ်။ ဒါက လုံးဝမှားပါတယ်။”နယ်စပ်ဒေသတိုင်းရင်းသား လူငယ်များ ဖွံ့ဖြိုးရေးသင်တန်းကျောင်း လက်ထောက်ညွှန်ကြားရေးမှူး ဦးဂေလိန်းမောင်းနှင့်တွေ့ဆုံခြင်း

By Chin World on June 14, 2016. No Comments

ဆလိုင်းကျော်မိုးတွေ့ဆုံမေးမြန်းသည်။

sayar Gay

 

မေး။    ။ ဆရာကြီးနာမည်နဲ့ ဆရာကြီးတာဝန်ထမ်းဆောင်နေတဲ့ လက်ရှိရာထူးကို ပြောပြပေးပါ။

ဖြေ။     ကျွန်တော်နာမည်ကဆလိုင်းဂေလိန်းမောင်းပါ။ရာထူးကတော့လက်ထောက်ညွှန်ကြားရေးမှူးဖြစ်တယ်။  ကျွန်တော်တို့ သင်တန်းကျောင်းကတော့ နယ်စပ်ရေးရာဝန်ကြီးဌာနအောက်မှာရှိတဲ့ပညာရေးနဲ့  လေ့ကျင့်ရေး တွဲထားတဲ့ သင်တန်းကျောင်းဖြစ်ပါတယ်။ သင်တန်းကျောင်းနာမည်အပြည့်အစုံပြောရမယ်ဆိုရင် ”နယ်စပ်ဒေသ တိုင်းရင်းသားလူငယ်များဖွံ့ဖြိုးရေးသင်တန်းကျောင်း”လို့ ခေါ်ပါ တယ်။

မေး။    ။ ဒီသင်တန်းကျောင်းနဲ့ပတ်သက်ပြီး လုပ်ဆောင်ချက်တွေကို ရှင်းပြပေးပါ။

ဖြေ။     ။ ကျွန်တော်တို့နယ်စပ်ရေးရာဝန်ကြီးဌာနအောက်မှာ အခုလက်ရှိ ဌာနနှစ်ခုရှိတယ်။ (န တ လ) နယ်စပ်ဒေသနှင့် တိုင်းရင်းသားလူငယ်များဖွံ့ဖြိုးတိုးတက်ရေးဦးစီးဌာန၊ ပညာရေးနဲ့ လေ့ကျင့်ရေး ဦးစီးဌာနနှစ်ခုရှိတယ်။ ကျွန်တော်တို့ သင်တန်းကျောင်းအနေနဲ့ လူငယ်သင်တန်းကျောင်း၊ အိမ်တွင်းမှုကျောင်းနဲ့ လေ့ကျင့်ရေးကျောင်းတွေရှိပါတယ်။  ဒီကနေ့ထိ ကျွန်တော်တို့ ပညာရေးနှင့် လေ့ကျင့်ရေးဦးစီးဌာနအောက်မှာ  ရပ်တည်ပြီးတော့မှ ကျွန်တော်တို့ သင်တန်းကျောင်းတွေကို ဖွင့်လှစ်တယ်။  ကျွန်တော်တို့ ဒီပညာရေးနှင့် လေ့ကျင့်ရေးဌာနကျတော့ နှစ်ရှည်၊ ရေရှည်စီမံကိန်းဖြစ်တယ်။ နယ်စပ်ဒေသမှာရှိတဲ့တိုင်းရင်းသား လူငယ်လေးတွေရဲ့ ကျွန်တော်တို့ပြောတဲ့ လူသားအရင်းအမြစ်ကိုဖော်ထုတ်ပေးတဲ့ ဦးစီးဌာနဖြစ်တော့ ရေရှည်တစ်နှစ်၊ နှစ်နှစ်အတွင်းမှာ ရုပ်လုံးမပေါ် နိုင်ဘူး။ ၁ဝနှစ်၊ ၁၅နှစ်ကျမှ ကျွန်တော်တို့ပြုစုပျိုးထောင်တဲ့ ကလေးတွေက လည်ပတ်လာတယ်။ ပြီးတော့ ရုပ်လုံးပေါ်လာတယ်။ အဲတာလေတော့ ကွဟမှုရှိတယ်။

မေး။    ။ ချင်းပြည်နယ်မှာ သင်တန်းကျောင်းဘယ်နှစ်ခုရှိပါသလဲ။ဘယ်မြို့နယ်တွေမှာ အဓိကအခြေစိုက်လဲ။

ဖြေ။     ။ချင်းပြည်နယ်မှာတော့   ကျွန်တော်တို့အားလုံးရှိတယ်။ မြောက်ပိုင်းမှာဆိုရင်လည်း ဟားခါး၊ တီးတိန်၊ ဖလမ်း၊ တွန်းဇန်၊ ထန်တလန်(၅)ကျောင်းရှိတယ်။ ကျွန်တော်တို့ တောင်ပိုင်းမှာဆိုရင် မင်းတပ်၊မတူပီ၊ ကန်ပက်လက်၊ ပလက်ဝ ၂ဝ၁၅-၁၆ ပညာသင်နှစ်မှာ စပြီးတော့ဖွင့်ပြီး ကျောင်းသား၊ ကျောင်းသူတွေနဲ့ လည်ပတ်နေတယ်။ ထူးခြားတာကတော့ မင်းတပ်မှာ နှစ်ကျောင်းပေါ့။ အားလုံးပေါင်းလိုက်ရင် မြို့နယ်အလိုက် ၉ ကျောင်း၊ ဒီကနေ့ ချင်းပြည်နယ်မှာ ၁ဝ ကျောင်း ရှိတယ်။

 

 

မေး။    ။ ဦးစီးဌာနက ဖွဲ့စည်းပုံအဆင့်ဆင့်တွေကို ရှင်းပြပေးပါ။

ဖြေ။     ။ကျွန်တော်တို့ ပညာရေးနှင့် လေ့ကျင့်ရေးသင်တန်းကျောင်း ဦးစီဌာနကတော့ အခြေခံနဲ့ အဆင့်မြင့်နှစ်ခွဲတယ်။ အခြေခံဆိုတာကတော့ ကျွန်တော်တို့ လူငယ်သင်တန်းကျောင်းတွေပေါ့ နယ်စပ်ဒေသ တိုင်းရင်းသားလူငယ်များဖွံ့ဖြိုးရေးသင်တန်းကျောင်း၊ အိမ်တွင်းအသက်မွေးဝမ်းကျောင်းသင်တန်း၊ ဒီဟာတွေကို အခြေခံလို့ခေါ်တယ်။ပြီးတော့ အဆင့်မြင့်ဆိုတာကတော့ ပြည်ထောင်စုတိုင်းရင်းသားလူငယ်များ စွမ်းရည်ဖွံ့ဖြိုးရေး ဒီဂရီကောလိပ် ရန်ကုန်မှာ တစ်ကျောင်း၊စစ်ကိုင်းမှာ တစ်ကျောင်း အဲဒီနှစ်ကျောင်းပါမယ်။ ပြီးတော့ ကျွန်တော်တို့တိုင်းရင်းသား လူငယ်များဖွံ့ဖြိုးမှုတက္ကသိုလ်၊ ပညာရေးတက္ကသိုလ်ကို စစ်ကိုင်းမှာပဲ။ ပြီးတော့ နယ်စပ်ရေးရာဝန်ထမ်းတွေ အရည်အသွေးမြင့်မားအောင်  ဝန်ထမ်းတွေတက်တဲ့  ဗဟိုလေ့ကျင့် ရေးသင်တန်း ကျောင်းတွေက မြောက်ဒဂုံမှာဖွင့်ထားတယ်။ ဝန်ကြီးဌာနရဲ့ သင်တန်းကျောင်းကတော့ အဆင်မြင့်လို့ ခေါ်တယ်။ ပြီးတော့ လူငယ်သင်တန်းနှင့် အိမ်တွင်းမှုကျောင်းကိုတော့ အခြေခံကဏ္ဍလို့ အဲလိုခွဲထား တယ်။

မေး။    ။ချင်းပြည်နယ် တစ်ပြည်နယ်လုံးကို ခြုံပြီးတော့ ပြောမယ် ဆိုရင် ကျောင်းသားဦးရေ ဘယ်လောက်ရှိမလဲ။

ဖြေ။     ။ချင်းပြည်နယ် တစ်ပြည်နယ်လုံးခြုံပြောမယ်ဆိုရင် ကျွန်တော်တို့ ပျှမ်းမျှတစ်ကျောင်းကို ရာဂဏန်းနဲ့ တွက်မယ်ဆိုရင် မြောက်ပိုင်းမှာရှိတဲ့ ကျောင်းတွေမှာ ကျောင်းသားဦးရေနည်းတယ်။ တီးတိန်မှာ တော့ကျောင်း သူတွေရှိတယ်။ ဒီတော့ မြောက်ပိုင်းဘက်မှာ ကျောင်းသား၊ကျောင်းသူတွေ ဦးရေနည်းတဲ့အတွက် ကျောင်းတစ်ကျောင်းကို (၇၅)ယောက်လောက်နဲ့  တွက်ကြည့်လိုက်ရင်  ချင်းပြည်တစ်ပြည်လုံးမှာ (၁ဝ ) ကျောင်းရှိတဲ့အတွက်ကြောင့်(၇၅ဝ)ယောက်လောက်ရှိတယ်။လက်ရှိအဲဒီပတ်ဝန်းကျင်လောက်ရှိတယ်။

မေး။    ။ လက်ရှိကျောင်းတွေမှာ တာဝန်ထမ်းဆောင်နေတဲ့ ဝန်ထမ်းအင်အားကျတော့ ဘယ်လောက်လောက် ရှိမလဲ။

ဖြေ။     ။ဝန်ထမ်းအင်အားကျတော့ ကျွန်တော်တို့ ဖွဲ့စည်းပုံက (၂၂)ဦးရှိတယ်။  ကျောင်းအုပ်တစ်ဦးရှိတယ်။ ဒုကျောင်းအုပ်တစ်ဦးရှိတယ်။ နည်းပြက ၁၁ဦး ၊ နည်းပြမှာလဲ နည်းပြရှိမယ် လက်ထောက်နည်းပြ ရှိမယ်။ အကူနည်းပြပေါ့ စသဖြင့် ခြုံပြီး ပြောရရင်တော့ (၁၁)ဦး။အငယ်တန်းစာရင်းတို့ စားဖို့မှူး၊ ထမင်းချက်စ သဖြင့်ပေါ့ ကွန်ပျူတာတို့ ဘာတို့ပေါ့။ လူငယ်သင်တန်းကျောင်းတိုင်းမှာ အားလုံးဖွဲ့စည်းပုံက (၂၂) ဦးပါတယ်။

 

 

မေး။    ။ သင်တန်းကျောင်းတွေမှာ ကျောင်းသား၊ ကျောင်းသူတွေကို ဘယ်လိုလက်ခံပါသလဲ။

ဖြေ။     ။ကျောင်းတိုင်းမှာ ၅ တန်းကနေ ၁ဝတန်းအထိ တက်ရောက် နေတာပါ။ လက်ခံတာကတော့ ရုံးချုပ်ရဲ့ ညွှန်ကြားချက်အရ အဓိက ကတော့ ၅တန်း၊ ၆တန်း အလွန်ဆုံး ၇တန်းလောက်အထိ ငယ်တဲ့ ကလေးတွေကိုစပြီးတော့မှ ကလေးတွေကို လက်ခံချင်တာ။ တက်ရောက်နေတာက ၇တန်းကနေ အောင်ပြီး ၈ တန်း၊ ၉ တန်း၊ ၁ဝ တန်းအထိ ဆိုတော့ ၅တန်းကနေ ၁ဝ တန်းအထိ ကျွန်တော်တို့လက်ခံပြီး သင်ကြားပေးတဲ့ အနေအထားရှိတယ်။

မေး။    ။ ကျောင်းသား၊ ကျောင်းသူတွေကို ဘယ်လိုရွေးချယ်ပြီး လက်ခံသလဲ။ ကျောင်းအပ်ဖို့ကော ကျောင်းသားမိဘတွေကို ဘယ်လို အသိပေးသလဲ။

ဖြေ။     ။လက်ခံတဲ့နေရာမှာလဲ ကျွန်တော်တို့က အသက်ပိုင်းခြားမှု ရှိတယ်။ အလယ်တန်းဆိုရင် ၁၂နှစ်နဲ့ ၁၆နှစ်ကြားဖြစ်ရမယ်။ သူ အတန်းလိုက်နဲ့ ပြန်ချိန်ရတာပေါ့ ၅တန်းဆိုရင် ၁၆နှစ်ဆိုရင် မဖြစ်ပြန်ဘူး။ ၅တန်းဆိုရင် ၁ဝနှစ်၊ ၁၁နှစ်လောက်။ အထက်တန်းကျတော့ ၁၆ နှစ်ကနေ ၁၈နှစ် အဲလို သတ်မှတ်ချက်ရှိတယ်။ ကျောင်းကြီးကြပ်ကော်မတီတွေ အကုန်လုံးကို ဖိတ်ကြားပြီးတော့ ရွေးချယ်တဲ့နေ့ကို ကလေးတွေရဲ့ကျန်းမာရေးစစ်ရတယ်။ ပြီးတော့ သူတို့ရဲ့ ဥပဓိရုပ်ရည်လေး ကြည့်ရ တယ်။ အရပ်အမောင်းလေးတွေ ကြည့်ရတယ်။ အကြမ်းဖြင့် သူတို့ရဲ့ အခြေခံပညာဘယ်လောက်ရှိလဲ ဆိုတာ ဥပမာ- ၅တန်းတက်မယ့် ကလေးတွေကို ပြီးခဲ့တဲ့ ၄တန်းစာတွေဖြစ်တဲ့ အင်္ဂလိပ်၊ မြန်မာတို့ကို ၂၅မှတ်ဖိုး၊ ၅ဝမှတ်ဖိုး ဝင်ခွင့်စာမေးပွဲအဖြစ် ဖြေခိုင်းတယ်။ ကိုယ်လက်အင်္ဂါပေါ့ တစ်ချိန်ကျရင် အစိုးရဝန်ထမ်းတွေ ဖြစ်လာမယ့် ကလေးတွေဖြစ်တဲ့အတွက် ကိုယ်လက်အင်္ဂါ ပြည့်စုံမှုရှိရပါ့မယ်။ ပြီးတော့ ဦးစားပေးတဲ့ နေရာမှာလဲ ဝန်ကြီးဌာနရဲ့မူဖြစ်တဲ့ မိဘမဲ့ကလေးတွေကို ပထမဦးစားပေး၊ နောက်ပြီးတော့ အမိမဲ့ အမေမရှိတဲ့ ကလေးတွေ၊ ပြီးတော့မှ အဖမဲ့။ နောက်ဆုံးအဆင့်ကျမှ မိဘစုံသော်ငြားလည်းပဲ ဆင်းရဲနွမ်းပါးမယ်။ ပညာကိုလည်း အမှန်တကယ် တက်မြောက်လိုချင်တဲ့ ကလေး မျိုးဆိုရင် ကျွန်တော်တို့က ဦးစားပေးတယ်။ ပြီးတော့ အဲဒီကလေးတွေမှာ တစ်ခုဘာရှိလည်းဆိုတော့ တိုင်းရင်းသားဖြစ်ရမယ်။ မိဘနှစ်ပါးမဟုတ် ရင်တောင်မှ အဖေသော်လည်းကောင်း၊ အမေသော်လည်းကောင်း၊ တိုင်းရင်းသားတစ်ဦးဦး ဖြစ်ရမယ်။ အဲလို သတ်မှတ်ပြီး ရွေးချယ် တယ်။

မေး။    ။ကျောင်းသား၊ ကျောင်းသူတွေကို ထောက်ပံ့မှုပိုင်းကော ဘယ်လိုရှိလဲ။

ဖြေ။     ။ထောက်ပံ့အပိုင်းကပြောရရင် အကုန်လုံးတာဝန်ယူထားတာ ပါ။ သူတို့ ကျောင်းစဖွင့်ပြီး ဆိုကတည်းက အခုက ပညာရေးမှာလည်း ကျောင်းအပ်နှံစရိတ်တို့မရှိတော့ဘူးပေါ့နော်။ သူတို့ရဲ့ ဗလာစာအုပ်၊ ဘောပင်၊ ခဲတံတွေ ကျောင်းစိမ်း၊ ကျောင်းဖြူတွေ ကလေးတွေက သင်တန်းကျောင်းကနေ ကျောင်းကြီးမှာ သွားတက်တယ်။ မျက်နှာမငယ်ရအောင်  ကျောင်းစိမ်း၊ ကျောင်းဖြူဆိုလည်း တစ်နှစ်ကို နှစ်စုံ။ ဗလာစာအုပ်ဆိုရင် အထက်တန်းဆိုရင် ၄ဒါဇင်၊ အလယ်တန်းဆိုရင် ၃ဒါဇင်၊ ဘောပင်ဆိုရင် အထက်တန်းဆိုရင် ၁၈ချောင်း၊ အလယ်တန်းဆိုရင် ၁၂ချောင်းစသဖြင့်ပေါ့။ စာအုပ်၊ ခဲတံ၊ ဘောပင်၊ ကျောင်းဝတ်စုံ အဖြူ/အစိမ်း၊ ပြီးတော့မှ ကျောင်းမှာက ပုံနှိပ်စာအုပ်တွေဆိုရင် ပြီးခဲ့တဲ့နှစ်တွေက စာအုပ်တွေ ထိန်းသိမ်းထားတယ်။ လာမယ့်နှစ်မှာ ပြန်ပြီးအသုံးပြုနိုင်အောင် လုပ်တယ်။ လိုတာတွေကျတော့ရုံးချုပ်ကို ပြန်တင်ပြရတယ်။ အခုနောက်ပိုင်းပညာရေးက ပုံနှိပ်စာအုပ်တွေကို အခမဲ့ ဖြန့်ဝေးပေးတဲ့ အနေအထားမျိုးရှိလာတယ်။ ရိက္ခာခြောက်ပိုင်းနဲ့ ပတ်သက်ရင်လည်း ဆန်၊ ဆီ၊ ပဲ၊ ဆား၊ အပြည့်အဝထောက်ပံ့ပေးထားတယ်။ ရိက္ခာစိုဆိုရင် တစ်ရက်ကို ၇၅ဝ ထောက်ပံ့ပေးတဲ့အနေအထားမျိုးရှိတယ်။ ပြီးတော့ တစ်လကို မုန့်ဖိုးငွေဆိုတာ သူတို့တွေ တစ်ကိုယ် ရည်အသုံးစရိတ်၊ အသုံးအဆောင်ပေါ့။ ဥပမာ- သွားတိုက်ဆေး၊ သွားတိုက်တံ၊ ရေချိုးဆပ်ပြာ၊ အဝတ်လျှော်ဆပ်ပြာ၊ ခွက်တို့က အစပေါ့။သူတို့တွေကို လစဉ် ဖြည့်ဆည်းနိုင်အောင်ဆိုပြီး အထက်တန်းဆိုရင် လစဉ် ၂ဝဝဝကျပ်၊ အလယ်တန်းဆိုရင် ၁၅ဝဝကျပ်၊ မူလတန်းဆိုရင် ၁ဝဝဝကျပ်၊ ကျွန်တော်တို့ အဲလိုမျိုးလေးတွေ ထောက်ပံ့ပေးတယ်။

မေး။    ။ကျောင်းသား။ ကျောင်းသူတွေရဲ့ တစ်နေ့တာ အချိန်ဇယား ကို ဘယ်လို့သတ်မှတ်ပေးတာလဲ။

ဖြေ။     ။ပထမတော့ မနက်ပိုင်းကို တန်းစီရတယ်။ တန်းစီပြီးတော့ လူစစ်တယ်၊ သင်တန်းကျောင်းဖြစ်တဲ့အတွက်ကြောင့် ဝန်ကြီးဌာနကနေ သတ်မှတ်ပေးတဲ့ သစ္စာဓိဌာန်တွေ ရွတ်ဆိုရတယ်။ ပြည်ထောင်စုစိတ်ဓာတ်တို့၊ စစ်မှန်တဲ့ မျိုးချစ်စိတ်ဓာတ်တို့၊  နိုင်ငံတော်သီချင်း၊ဒါတွေကို ကျွန်တော်တို့ရဲ့ သင်တန်းကျောင်းသီချင်း၊ သင်တန်းကျောင်းဖွင့်လှစ်ရတဲ့ ရည်ရွက်ချက်(၆)ချက် ဒါတွေ နေ့စဉ် နံနက်တိုင်းကလေး တွေရဲ့ ခေါင်းထဲမှာ စွဲမြဲနေအောင် ဒါကို ရွတ်ဆိုကြတယ်။ စနေ၊ တနင်္ဂနွေနေ့တွေမှာ    သင်တန်းကျောင်းဖြစ်တဲ့အတွက်ကြောင့်ပြည်ထောင်စု စိတ်ဓာတ်တို့ သင်ခန်းစာလေးတွေကို ကျွန်တော်တို့က ပို့ချပေးတယ်။ ပြီးတော့မှ ယဉ်ကျေးမှုဆိုတာ ဘာသာရေးနဲ့ မဆိုင်ဘူး။ ကလေးတွေ ဘယ်ဘာသာဝင်ကလေးမဆို ပြည်သူနီတိပေါ့။ လူကြီးရှေ့မှာ ဘယ်လိုလမ်းလျှောက်ရမလဲ။ ထမင်းစားရင် ဘယ်လိုစားရမလဲ။ လူကြီးနဲ့ပြောဆိုရင် ဘယ်လိုပြောဆိုရမလဲ စတာတွေ လိမ္မာ၊ယဉ်ကျေး တဲ့ကလေးတွေဖြစ်အောင် သင်ကြားပေးတယ်။ ကျွန်တော်တို့ရဲ့ဦးစီးဌာနကိုကပဲ ပညာရေးနဲ့ လေ့ကျင့်ရေးဦးစီးဌာနလို့ သတ်မှတ်ထားတာ ဖြစ်တယ်။ ပညာရေးမှာ ထူးချွန်ပြီးတော့ လူတော်ကြီးတွေဖြစ် လာအောင် ဒါက တစ်ပိုင်း၊ ယဉ်ကျေးအောင်ဆိုတာ စောနပြောသလိုကလေးတွေ လိမ်မာယဉ်ကျေးတဲ့ ကလေးတွေ ဖြစ်အောင် မှန်ကန်တဲ့ အတွေးအခေါ်တွေရှိတဲ့ ကလေးတွေဖြစ်အောင် လူတော်လူကောင်းဖြစ်အောင် ပညာရေးအပိုင်းမှာ လူတော်ဖြစ်အောင် စွမ်းဆောင်ပေး သလို့၊ တစ်ဖက်ကလည်း လေ့ကျင့်ရေးအနေနဲ့ ကျွန်တော်တို့က လူကောင်းလေးတွေ ဖြစ်အောင်လည်း စနေ၊ တနင်္ဂနွေနေ့တွေပဲ ပို့ချ ပေးတယ်။

မေး။    ။ ဝန်ကြီးဌာနအနေနဲ့ ၁ဝတန်းအောင်ပြီးတဲ့ကလေးတွေ ကို ဘယ်လိုဆက်လက်တာဝန်ယူပါသလဲ။

ဖြေ။     ။ကျောင်းသား၊ ကျောင်းသူတွေ ၁ဝ တန်းအောင်လာလို့ ရှိရင် ခုန ကျွန်တော်ပြောသွားတဲ့ထဲမှာလဲပါတယ်။ ကျွန်တော်တို့ အဆင့်မြင့်ပေါ့ ရန်ကုန်မှာ ပြည်ထောင်စုတိုင်းရင်းသားလူငယ်များ စွမ်းရည်ဖွံ့ဖြိုးရေးဒီဂရီကောလိပ်ဆိုပြီး ရန်ကုန်မှာ တစ်ကျောင်း ဖွင့်လှစ်ထားတယ်။ အထက်မြန်မာပြည်မှာကျတော့ စစ်ကိုင်းတိုင်းမှာ ကျောင်းနှစ်ကျောင်းကို ဖွင့်လှစ်ထားရှိပါတယ်။ ၁ဝ တန်းအောင်လာတဲ့ ကလေး တွေက အတွဲအလိုက်ပေါ့ သိပ္ပံတွဲဆို သိပ္ပံတွဲ၊ ဝိဇ္ဇာတွဲဆို ဝိဇ္ဇာပေါ့အဲဒီလို ဘွဲ့ပေးပါတယ်။ အင်ဂျင်နီယာလိုင်းဆိုရင်လည်း AGTI/GTI/BE အဲလိုမျိုးဘွဲ့တွေကို ပေးပါတယ်။ ကလေးတွေရဲ့ ကြိုးစားမှု၊ အားထုတ်မှုကို ဆုံးခန်းတိုင်သွားအောင် တစ်ချို့ဆိုရင်သူတို့ ဘာသာတွဲနဲ့အလျှောက် ထူးချွန်လို့ ဂုဏ်ထူးပဲရရ၊ မဟာပဲတက်တက် ကျွန်တော်တို့ဝန်ကြီးဌာနကပဲ ဆက်ပြီးတာဝန်ယူပြီးပြီးတော့ကလေးရဲ့ ကြိုးစားသလောက်၊ ဆုံးခန်းတိုင်အောင် ဒီကနေ့ထိ တာဝန် ယူပေးပါတယ်။

မေး။    ။ ဝန်ကြီးဌာနအနေနဲ့ ဒီသင်တန်းကျောင်းစတင်ဖွင့်လှစ်ချိန်ကစပြီး ထူးချွန်တဲ့ ကျောင်းသား၊ ကျောင်းသူ ဘယ်လောက်မွေးထုတ်ပြီးပြီလဲ။

ဖြေ။     ။ကျွန်တော်တို့ ကျောင်းအသီးသီးမှာ တာဝန်ထမ်းဆောင်ခဲ့တာပေါ့။ ခရိုင်တာဝန်မထမ်းဆောင်မီ၊ ကျောင်းအုပ်ဆရာတာဝန်ထမ်းဆောင်ခဲ့တယ်။ ကျောင်းစဖွင့်လှစ်တဲ့ ၁၉၉၈-၉၉ခုနှစ် ပညာသင်နှစ်ကစပြီး ဒီကနေ့မှာ ၂ဝ၁၄-၁၅ပညာသင်နှစ်အထိကို ကျွန်တော်တို့အားလုံး စုစုပေါင်း (၁၃၉)ဦး အဲဒါတွေက ဘွဲ့ရသူတွေ၊ ဌာနတွေအသီးသီးပြောရရင်တော့ ရှုပ်ကုန်တော့မယ်။ ကျောင်းသူတွေကတော့ သူနာပြုသားဖွားတို့၊  ပညာရေးပိုင်းဖွံ့ဖြိုးရေးတက္ကသိုလ်တို့မှာ ထမ်းဆောင်တယ်။ ဒီကျောင်းသားတွေက စောနပြောတဲ့တိုင်းရင်းသားလူငယ်များ စွမ်းဆောင်ရည်ဒီဂရီကောလိပ်မှာဆက်ပြီးတက်တယ်။ ရိုးရိုးအောင်လာတယ်ဆိုရင်လည်း ဒီနေ့ဘွဲ့လက်မှတ်ပေးတာနဲ့ နောက်တစ်နေ့မှာ သူနဲ့သက်ဆိုင်ရာဝန်ကြီးဌာနက အလုပ်ခန့်အပ်ထားပြီးပြီ သူတာဝန်ထမ်းဆောင်ရမယ် ဝန်ကြီးဌာနကို အပ်

လိုက်တယ်။ အဲဒီကနေစပြီး လစာရတယ်။ ပြီးခဲ့တဲ့နှစ်က သိပ္ပံတွဲနဲ့ကလေးနှစ်ယောက်က ဒေါက်တာဘွဲ့နဲ့ြှ ရတယ်။ နြဆိုလည်းပြီးခဲ့နှစ်က တစ်ယောက်ရပြီး အခုဆိုရင် ဟားခါး၊ ပ ဆ လ တို့မှာအလုပ်ဝင်နေပြီဖြစ်တယ်။ စစ်ဘက်မှာဆိုရင်လည်ှးီဗမှာ သုံးယောက်လောက်ရှိတယ် အခုဆိုရင်တာဝန်ထမ်းဆောင်နေပါပြီ။

မေး။    ။ ဆရာတို့ကျောင်းကနေ မွေးထုတ်ပေးလိုက်ပြီး ပြည်ထောင်စုအဆင့်၊ ပြည်နယ်အဆင့်မှာ တာဝန်ထမ်းဆောင်နေတဲ့သူတွေရှိလား။

ဖြေ။     ။ အပတ်စဉ်(၁)မှာဆင်းတဲ့ ကလေးတွေမှာပဲ ရာထူးအကြီးဆုံးကအခုဆိုရင် လက်ထောက်ညွှန်ကြားရေးမှူးတွေဖြစ်နေပြီ။ ထွေအုပ်တွေမှာလည်းရှိတယ်။ အင်ဂျင်နီယာတို့၊ ဆည်မြောင်းတို့ကျေးလက်နဲ့စည်ပင်တို့မှာလည်း အသီးသီးတာဝန်ထမ်းဆောင်နေကြပြီဖြစ်တယ်။

မေး။    ။ ဒီ နတလကျောင်းတွေက ဘာသာရေးနဲ့ပတ်သက်ပြီး ခွဲခြားမှုတွေရှိတယ်ဆိုပြီး ပြောနေတာနဲ့ပတ်သက်ပြီးဆရာကြီးအမြင်ပြောပြပေးပါ။

ဖြေ။     ။ အဲ့ဒါက လုံးဝ မှားပါတယ်။ ကျွန်တော်တို့အနေနဲ့ လုံးဝဘာသာရေးဘက်သွားတာလုံးဝမရှိပါဘူး။ ကျွန်တော်တို့ အမြဲတမ်းပြောပါတယ်။ ဒီမှာလည်း ရပ်မိရပ်ဖတို့၊ ရပ်ကျေးအစည်းအဝေးတို့ကိုတစ်လ တစ်ကြိမ်ကျင်းပတဲ့အစည်းအဝေးတိုင်းမှာ မြို့နယ်အုပ်ချုပ်ရေးမှူးရုံးကို ခွင့်ပန်ပြီးတော့မှ ကျွန်တော်တို့က ဒီကျောင်းရဲ့ ကိစ္စနဲ့ပတ်သက်ပြီးတော့ လုံးဝဘာသာရေးကန့်သတ်မှုမရှိပါဘူး။ ကျောင်းကို  အလည်လာပြီးတော့မှ လေ့လာကြပါ။ အထူးသဖြင့် တနင်္ဂနွေနေ့လိုမျိုး လာလေ့လာပါ။ ခုနက ကျောင်းသား၊ ကျောင်းသူတွေ လက်ခံတယ်ဆိုတဲ့ နေရာမှာလည်း ဘာသာရေးလုံးဝမပါပါဘူး။ ဘာသာမရွေးဆိုတဲ့နေရာမှာ ခရစ်ယာန်၊ ဗုဒ္ဓဘာသာရယ်ပေါ့။ ခရစ်ယာန်ကလေး တွေလည်း လာရောက်ပညာသင်ကြားနေကြပါတယ်။ တနင်္ဂနွေနေ့လို မျိုးမှာ လာရောက်လေ့လာပါဆိုတာက သူတို့သက်ဆိုင်ရာ ဘုရား ကျောင်းတွေမှာသွားတယ်။ အပြင်ထွက်မှတ်တမ်းမှာ လက်မှတ်ထိုးတယ်။ သင်တန်းကျောင်းမှာလည်း  ထမင်းစားခါနီး  ဆုတောင်းတာတို့၊အိပ်ခါနီးဆုတောင်းတာတို့ လွတ်လွတ်လပ်လပ်ပါပဲ နည်းနည်းထပ်ပြောချင်ပါတယ်။ အချိန်မရွေး ကျောင်းမှာ လေ့လာနိုင်ပါတယ်ဆိုတဲ့အကြောင်း အဲဒါကတော့ အထူးတလည်ပြောချင်ပါတယ်။

မေး။    ။ နောက်ဆုံးတစ်ခုအနေနဲ့ ဆရာကြီးကျောင်းမှာ ကျောင်းသား၊ ကျောင်းသူတွေကို အမြဲတမ်းပြောဆိုနေတဲ့ လက်သုံးစကားရှိရင် ပြောပြပေးပါ။

ဖြေ။     ။ ကျွန်တော်က ကလေးတွေကို နှစ်ချက်ပဲ ပြောတယ်။ စည်းကမ်းနဲ့ပတ်သက်လို့ ”စည်းကမ်းဆိုတာက လုပ်ပါနဲ့ မလုပ်နဲ့ နှစ်ခုရှိတယ်။” လုပ်ပါဆိုတာဟာ အဲဒီပေါ်မှာ မိမိကိုယ်ကို တာဝန်ယူနိုင်ဖို့ ထပ်ပြီးပိုးလိုက်ရင်လုံးဝလိုက်နာတဲ့ သူ၊ ဒါက အနှစ်ချုပ်ပဲ။ လုပ်ပါ၊ မလုပ်နဲ့ဆိုတဲ့ဟာပဲ။ လုပ်ပါဆိုတဲ့ဟာကို လုပ်ဖို့။ မလုပ်ပါနဲ့ဆိုတဲ့ဟာကို မလုပ်ဖို့ အဲဒီအပေါ်မှာ ကိုယ့်ကိုယ်ကိုယ် တာဝန်ယူလိုက်တော့ ဒါကစည်းကမ်းလိုက်နာတာ၊ မလိုက်နာတာပဲ။ အဲဒီတစ်ချက်ကို အမြဲတမ်းကလေးတွေကို ဆုံးမလေ့ရှိတယ်။ နောက်တစ်ချက်ကတော့ ကလေးတွေကို အမြဲတမ်းပြောတယ်။ လာမယ့်  ၁ဝနှစ်၊၁၅နှစ်ကျရင် မင်းတို့ကိုငါ ပြုံးပြုံးကြီးမော့ကြည့်ချင်လို့ ပြောပါတယ်။ အဲဒီနှစ်ချက်ကို အမြဲတမ်းပြောခဲ့ပါတယ်။

Latest Post

Leave a Reply

Your email address will not be published. Required fields are marked *