ချင်းပြည်နယ်ဝန်ကြီးချုပ်ဆလိုင်းလျန်လွယ် ဖြေရှင်းရမည့်ဦးစားပေးပုစ္ဆာများ

Home » Article » ချင်းပြည်နယ်ဝန်ကြီးချုပ်ဆလိုင်းလျန်လွယ် ဖြေရှင်းရမည့်ဦးစားပေးပုစ္ဆာများ

By Salai Gei on October 7, 2016. No Comments

14199259_1795475747353671_4211709772359816229_n

“ ကျွန်တော်တို့ကိုယ်တိုင် ပိုက်ဆံကိုသုံးနိုင်မယ်ဆိုရင်၊ ကျွန်တော်တို့ကိုယ်တိုင် လုပ်ပိုင်ခွင့်အာဏာပိုရ မယ်ဆိုရင် သိသိသာသာတိုးတက်သွားမှာပါ”

အဆိုပါပြောစကားမှာ လက်ရှိချင်းပြည်နယ်ဝန်ကြီးချုပ်၏ ပြောစကားဖြစ်သော်လည်း ယခင် အစိုးရလက်ထက် ချင်းပြည်နယ် ၀န်ကြီးချုပ်အဖြစ်တာဝန်ထမ်းဆောင်ခဲ့သည့် ဦးဟုန်းငိုင်းကိုယ်တိုင်လည်း သူ၏သက်တမ်းအတွင်း Chin World Media သို့ပြောကြားခဲ့သည့်စကားလည်းဖြစ်သည်။ ပြည်နယ်၏ လုပ်ပိုင်ခွင့်အရ ဒေသဖွံ့ဖြိုးရေးလုပ်ငန်းများကို ပြည်နယ်အစိုးရအဖွဲ့အနေဖြင့် ဆောင်ရွက်ရာတွင် လုပ်ပိုင်ခွင့်အတော်များများကို ၂၀၀၈ ဖွဲ့စည်းပုံအခြေခံဥပဒေမှ ကန့်သတ်ဆဲဖြစ်ခြင်းက ဒေသဖွံ့ဖြိုးရေး လုပ်ငန်းများ ဆောင်ရွက်ရာတွင် အဟန့်အတားဖြစ်နေသည်။ လုပ်ငန်းလည်ပတ်မှု များအတွက် အခက်အခဲတစ်ခု အနေအဖြင့် ယခင်ပြည်နယ်အစိုးရသာမက လက်ရှိပြည်နယ်အစိုးရမှ အရင်ဆုံးကြုံတွေ့ရသည့်ပြသနာမှာ လုပ်ပိုင်ခွင့်ပြသနာဖြစ်သည်။ လက်ရှိဝန်ကြီးချုပ်၏ စကားအရဆိုလျှင် လုပ်ပိုင်ခွင့်အာဏာ ပိုရမည်ဆိုလျှင် သိသိသာသာတိုးတက်သွားမည်ဟုဆိုသော်လည်း လက်ရှိတွင် လုပ်ပိုင်ခွင့်အကန့် အသတ်များရှိနေသေးခြင်းကြောင့် ငါးနှစ်သက်တမ်းအတွင်း ချင်းပြည်နယ်အား သိသိသာသာတိုးတက်စေနိုင်မည်ဟု မျှော်လင့်ရန်ခက်ခဲကြောင်းကိုလည်း ရည်ညွန်းသကဲ့သို့ဖြစ်သည်။

၂၀၀၈ ဖွဲ့စည်းပုံအခြေခံဥပဒေတွင် တိုင်းဒေသကြီး နှင့် ပြည်နယ်အစိုးရများအား ဘဏ္ဍာရေးအရ သော် လည်းကောင်း၊ ကြီးမားသည့် စီမံကိန်းလုပ်ငန်းများ၊ ဆုံးဖြတ်ချက်များကို ပြည်ထောင်စုအစိုးရ၏ ပြဌာန်းထား သည့် ဥပဒေနှင့်အညီ လုပ်ရသည့်လုပ်ငန်းများဟူ၍ ဗဟိုက ကန့်သတ်မှုများရှိသည်။

လမ်းတည်ဆောက်မှုနှင့်ပ်သက်ပြီး လက်ရှိလမ်းပန်းဆက်သွယ်ရေးဝန်ကြီး ဦးရွှေထီယိုကလည်း  ပြည်နယ်အစိုးရ၏ လုပ်ပိုင်ခွင့်နှင့်ပတ်သက်ပြီး အမှန်တကယ်လုပ်ပိုင်ခွင့်ပေးသင့်ကြောင်းနှင့် ပြည်ထောင်စုမှ ခွင့်ပြုချက်ရပြီး ချင်းပြည်ယ်သို့ လာလုပ်သည့် ကုမ္ပဏီများအနေဖြင့် ချင်းပြည်နယ်အစိုးရ၏ စကားများကို လျစ်လျူရှုမှုများရှိခြင်းကြေင့် လုပ်ပိုင်ခွင့်နှင့်ပတ်သက်ပြီး ပြည်ထောင်စုအစိုးရထံလည်း တင်ပြထားကြောင်း The Chinland Post ဒေသထုတ်စာစောင်ထံဖြေဆိုခဲ့သည်။

ချင်းတိုးတက်ရေးပါတီအတွင်းရေးမှုး အိုက်စောမြက “ ချင်းပြည်နယ်အတွင်း ပြည်နယ်လုပ်ပိုင်ခွင့်နဲ့ ၀န်ထမ်းခန့်ထားရေးကို ထိထိရောက်ရောက်လုပ်စေချင်တာ။ ဒီလုပ်ပိုင်ခွင့်ကိုလည်း ဒီငါးနှစ်အတွင်းမှာ ပြည့်ပြည့်၀၀အကောင်အထည်ဖော်စေချင်တာဖြစ်တယ်။ ချင်းပြည်နယ်ရဲ့လုပ်ပိုင်ခွင့်အောက်မှာရှိတဲ့ ဥပဒေတွေ ကိုလည်း ဒီသက်တမ်းမှာတော့ ကောင်းကောင်းအကောင်အထည်ဖော်စေချင်တာပေါ့” ဟုပြောသည်။

ယခင်ဦးဟုန်းငိုင်းဦးဆောင်ခဲ့သည့် သက်တမ်းအတွင်း ပြောဆိုခဲ့သည့် အခက်အခဲများနှင့် ယခုလက်ရှိ ၀န်ကြီးချုပ် ဦးလျန်လွယ်မှ ဦးဆောင်မည့် အစိုးရအဖွဲ့၏ ကြုံတွေ့နိုင်သည့် အခက်အခဲများနှင့်ပတ်သက်ပြီး အင်တာဗျူးဖြေဆိုရာတွင် ကွားခြားမှုသိပ်မရှိလှပေ။ ဦးစားပေးဖြေရှင်းရမည်ဟု လမ်းပန်းဆက်သွယ်ရေး၊ ပညာရေး၊ ကျန်းမာရေး၊ လူမှုရေးကဏ္ဍများ အပေါ်တွင် ဖြေကြားမှုများမှာ အတူတူပင်ဖြစ်သည်။ UNDP ၏စစ်တမ်းအရ ချင်းပြည်နယ် ၀န်ကြီးချုပ်ဦးဟုန်းငိုင်း ဦးဆောင်ခဲ့သည့် ငါးနှစ်တာကာလပြီးဆုံးချိန်အထိ ချင်းပြည်နယ်သည် မြန်မာနိုင်ငံ၏ အဆင်းရဲဆုံးပြည်နယ် တစ်ခုအဖြစ်သာ ရှိနေခြင်းက တိုးတက်မှုပိုင်းတွင် အားနည်းနေသေးသည်ကို သက်သေပြနေသည်။ ယခုအစိုးရသစ်လက်ထက် ဦးလျန်လွယ်အနေဖြင့် အဆိုပါအခြေအနေများကို မည်ကဲ့သို့၊ မည်သည့်ဗျူဟာစီမံကိန်းများဖြင့် ထိန်းသိမ်းသွားမည်၊ ဆောင်ရွက် သွားမည်၊ မြှင့်တင်သွားမည်ကို ငါးနှစ်အတွင်း စောင့်ကြည့်ရမည်ဖြစ်သည်။ ချင်းပြည်နယ်အနေ အထားအရ ငါးနှစ်အတွင်း ကဏ္ဍအလိုက် ပြည့်စုံဖွံ့ဖြိုးသည့် အနေအထားအထိ ဆောင်ရွက်သွားနိုင်မည် မဟုတ်သော်လည်း မည်သည့်ကဏ္ဍများကို ဦးစားပေး အဖြစ်ဆောင်ရွက်ပြီး အခြေခံလိုအပ်ချက်များအတွက် တိုးတက်စေနိုင်မည် ဆိုသည်ကို ပြည်သူများမှ စောင့်မျှော်နေပြီဖြစ်သည်။

လမ်းပန်းဆက်သွယ်ရေး

ချင်းပြည်နယ်သည် တစ်နိုင်ငံလုံးတွင် ဖွံ့ဖြိုးမှုအနိမ့်ကျဆုံးဖြစ်သည်နည်းတူ လမ်းပန်းဆက်သွယ်ရေးနှင့် ပတ်သက်ပြီးလည်း ခက်ခဲကြမ်းတမ်းသည့်ဒေသလည်း ဖြစ်သည်။ သဘာဝဘေးဖြစ်စဉ်ကာလက ချင်းပြည်နယ် ဖက်ကို ကူညီထောက်ပံ့ပေးနေသည့် ရုပ်ရှင်သရုပ်ဆောင် ဝေဠုကျော်အနေဖြင့်လည်း သူ၏အင်တာဗျူးတွင် ချင်းပြည်နယ် နှင့်ပတ်သက်လျှင် လမ်းပန်းဆက်သွယ်ရေးခက်ခဲမှုကို အဓိကဖြေကြားခဲ့သည်။ ထို့အတူ နိုင်ငံကျော် မော်လ်ဒယ်တစ်ဦးဖြစ်သူ မိုးစက်ဝိုင်မှလည်း ချင်းပြည်နယ်သွားပြီးအပြန် Chin World နှင့် အင်တာဗျူးရာတွင်လည်း လမ်းပန်းဆက်သွယ်ရေးပြသနာကို အဓိကပြောဆိုခဲ့သည်။ သူမ၏အင်တာဗျူးတွင် ချင်းပြည်နယ်သည် တောတောင်များဖြင့် လှပနေသော်လည်း လမ်းပန်းဆက်သွယ်ရေးအခက်အခဲရှိနေခြင်းက အဓိကပြသနာဟု သူမ၏ချင်းတောင်ပထမခရီးစဉ်တွင် ကြုံတွေ့မှုများကို ပြောကြားခဲ့သည်။

တစ်ဖက်တွင် ချင်းပြည်နယ်အတွင်းနေထိုင်ကြသည့် လူမှုအဖွဲ့အစည်း၊ နိုင်ငံရေးပါတီများအနေဖြင့်လည်း ချင်းပြည်နယ်အစိုးရ၏ ပထမဦးစားပေးလုပ်ဆောင်ရမည့်လုပ်ငန်းအဖြစ် လမ်းပန်းဆက်သွယ်ရေးဖြစ်ကြောင်း ထောက်ပြကြသည်။

ချင်းလူမှုအဖွဲ့အစည်းကွန်ယက်တာဝန်ခံ ဆလိုင်းယာကုတ်ထန်က “အဓိကတော့ လမ်းပန်းဆက်သွယ်ရေးပါပဲ။ ငါးနှစ်သက်တမ်းအတွင်းမှာ တစ်ပြည်နယ်လုံး သွားလာလို့ရအောင် အစိုးရအဖွဲ့အနေနဲ့လည်း ရည်ရွယ် ထားကြမယ်လို့လည်းထင်တယ်” ဟုပြောသည်။

လက်ရှိဝန်ကြီးချုပ်ဦးလျန်လွယ်အနေဖြင့်လည်း “ သုံးနှစ်အတွင်း မြို့ချင်းဆက်လမ်းများ ကတ္တရာခင်းနိုင်ဖို့ ကြိုးစားနေပါတယ်။  ကျေးရွာဆက်ခြင်းလမ်းကိုလည်း သုံးနှစ်အတွင်း အကုန်လုံးပေါက်စေရမယ်” ဟု ဆိုထားသည်။

ဝန်ကြီးချုပ်၏ဆိုလိုရင်းသည် ၂၀၁၈ ခုနှစ်အတွင်း ကျေးရွာဆက်လမ်းများ အကုန်ပေါက် မည်ဆိုသည့် သဘောဖြစ်သည်။

လမ်းပန်းဆက်သွယ်ရေးနှင့်ပတ်သက်ပြီး ယခင်အစိုးရသက်တမ်း အတွင်းကတည်းက ဆောင်ရွက်ခဲ့ကြသော်လည်း ကုမ္ပဏီများ၏လုပ်ငန်းဆောင်ရွက်မှုများသည်  စံချိန်စံညွှန်းမပြည့်မီမှုများရှိနေကြောင်း လူထုအကြား တွင်ကျယ်စွာပြောဆိုဝေဖန်မှုများရှိခဲ့သည်။ သတ်မှတ်ထားသည့်စံချိန်စံညွှန်းအတိုင်းမလုပ်ဆောင်ခြင်းကြောင့် သော်လည်းကောင်း၊ သဘာဝဘေးကြောင့်သော်လည်းကောင်း၊ လမ်းဖောက်လုပ်ရေး၊ လမ်းတာချဲ့ထွင်ရေးများဆောက်ရွက်ရင်း မိုးတွင်းကာလတွင် သိသာစွာဆိုးရွားလျက်ရှိသည်။ ထို့ကြောင့်လည်း ယခုအစိုးရသက်တမ်းတွင် ကန်ထရိုက်များချထားပေးရာ၌ စနစ်တကျစိစစ်ပြီး ချထားပေးရန်နှင့် လုပ်ငန်းများပြန်လည်စိစစ်မည့် လွတ်လပ်သည့် ကော်မတီကိုလည်း ကောင်းမွန်စွာဖွဲ့ပြီး ထိထိရောက်ရောက် ကွင်းဆင်းမှုများလုပ်ဆောင်သင့်ကြောင်းကို လွှတ်တော်ကိုယ်စားလှယ်တစ်ဦးမှလည်း ထောက်ပြခဲ့သည်။

မတူပီဒေသခံလည်းဖြစ် ချင်းအမျိုးသားဒီမိုကရေစီအဖွဲ့ချုပ် စည်းရုံးရေးမှုးဖြစ်သူဆလိုင်းတင်ရိုရယ်က “ အရင်က မင်းတပ် – မတူပီကားလမ်းဆို မိုးတွင်းဆိုလည်းသွားလို့ရတယ်။ အခုတော့ လမ်းချဲ့တဲ့နောက်ပိုင်း မိုးတွင်းဆို လုံးဝသွား လို့မရတဲ့အထိဖြစ်သွားတယ်” ဟုပြောသည်။

ချင်းပြည်နယ်၏ ဖွံ့ဖြိုးရေးနှင့်ပတ်သက်ပြီး အခြေခံအားဖြင့် လမ်းပန်းဆက်သွယ်ရေးကဏ္ဍကို ပြောဆိုကြပြီး လမ်းပန်းဆက်သွယ်ရေးကောင်းမှသာလျှင် ဒေသဖွံ့ဖြိုးရေးအတွက် အခြေခံကျသည့် ဖွံ့ဖြိုးမှုဖြစ်မည်ဟု ဒေသခံအများစုမှ ယုံကြည်လိုလားကြသည်။ မြို့အချင်းချင်းလမ်းပန်းဆက်သွယ်ရေးသာမက ကျေးရွာချင်းဆက်လမ်းများမှာလည်း မိုးတွင်းကာလများတွင် သွားလာရခက်ခဲသည်အထိ ပျက်စီးမှုများကြောင့် အကျိုးဆက်အဖြစ် တစ်နိုင်တစ်ပိုင်စီးပွားရေးကိုပါ ထိခိုက်စေသည့်အပြင် ချင်းလူမျိုးအကြား ရင်းနှီးစွာပုံမှန်ထိတွေ့ခွင့်ကိုပါ ထိခိုက်သည်ဟု အများကယူဆခြင်းကြောင့် ချင်းလူမျိုးများစည်းလုံးရေးအတွက် လမ်းပန်းဆက်သွယ်ရေးသည် အဓိကအခန်းကဏ္ဍဖြစ်ကြောင်း လက်ခံထားကြသည်။

ဆလိုင်းတင်ရိုရယ်က “ အဓိကလမ်းပန်းဆက်သွယ်ရေးလို့ဆိုတဲ့နေရာမှာ မြို့အချင်းချင်းပဲမဟုတ်ဘူး။ ကျေးရွာချင်းဆက်လမ်းတွေကိစ္စပေါ့။ ဒါတွေမကောင်းတော့ ဒေသအတွက်ထွက်ကုန်တွေကို မဖြန့်ကျက် နိုင်ဘူး၊ လူတွေလည်း မထိတွေ့ရတော့ စည်းလုံးရေးအပိုင်းမှာလည်း များစွာသက်ရောက် မှုရှိစေတယ်” ဟုပြောသည်။

ချင်းပြည်နယ်ဝန်ကြီးချုပ်ဆလိုင်းလျန်လွယ်မှ Chin World Media သို့အင်တာဗျူးဖြေဆိုရာတွင် လမ်းပန်းဆက်သွယ်ရေးနှင့်ပတ်သက်ပြီး မိမိတို့အနေဖြင့် စီမံချက်များရေးဆွဲထားကြောင်းနှင့် ပြည်ထောင်စု အစိုးရမှလည်း သဘောတူထားပြီးဖြစ်ကြောင်း၊ ဘတ်ဂျက်များရေးဆွဲထားပြီးကြောင်းဖြေကြားခဲ့သည်။

လမ်းပန်းဆက်သွယ်ရေး အခက်အခဲကြောင့် ကျန်းမာရေးကဏ္ဍများတွင်လည်း အရေးပေါ်အခြေအ နေမျိုးတွင် အချိန်မီသွားလာရခက်ခဲသကဲ့သို့ အစိုးရလုပ်ငန်းသော်လည်းကောင်း၊ ဒေသခံများ၏ လုပ်ငန်းများတွင်သော်လည်းကောင်း လမ်းပန်းဆက်သွယ်ရေးအခက်အခဲကြောင့် လုပ်ငန်းမှာ နှောင့်နှေးကြန့် ကြာခြင်းမျိုးကြုံနေရကြောင်း ၀န်ကြီးချုပ်က ဆက်ပြောသည်။

ယခုလက်ရှိအချိန်တွင် ကမ္ဘာ့ဘဏ်ချေးငွေဖြင့် ၂၀၁၆ – ၂၀၁၇ ဘတ်ဂျက်အရ လမ်းတာများစတင် ကတ္တရာခင်းခြင်းစသဖြင့် လုပ်ငန်းစတင်နေပြီဖြစ်သည်။

ပညာရေး

နောက်တစ်ချက် ဦးစားပေးသင့်သည့် ကဏ္ဍအနေဖြင့် မြန်မာနိုင်ငံတွင် ချင်းပြည်နယ်သည် နှစ်စဉ်တက္ကသိုလ်ဝင်တန်း အောင်ချက် အနည်းဆုံးဖြစ်သည့်အတွက် အဆိုပါ ကိစ္စရပ်ကို ပြည်နယ်အစိုးရသစ် လက်ထက်တွင် တတ်နိုင်သမျှ ကယ်တင်ရန် တာဝန်ရှိပါသည်။ လက်ရှိ ချင်းပြည်နယ် ပညာရေးအနေအထားအရ ကျောင်းတက်ရောက်မှုတွင် မြို့ပေါ်ကျောင်းနေမှုထက် ကျေးရွာကျောင်းနေမှုအရေအတွက်မှာပို၍များသကဲ့သို့ ယခင်ခေတ်အဆက်ဆက် ကျေးရွာများ၌ ဆရာများမလုံလောက်မှု၊ အရည်အချင်းပြည့်ဝသည့် ဆရာများရှားပါးမှု၊ လုပ်အားပေးဆရာများမှ ပညာရေး၏ အဓိကအုတ်မြစ်ဖြစ်သည့် အခြေခံအဆင့်ကို သင်ကြားခြင်းကြောင့် အခြေခံပညာရေးမကြေ ညက်မှုများဖြစ်စေခဲ့ရာ အထက်တန်းအဆင့်တွင် ပြန်လည်ကုစားရန်ခက်ခဲနေပါသည်။ ချင်းပြည်နယ်တွင် ၂၀၁၄ သန်းခေါင်စာရင်းအရ စာတတ်မြောက်မှုမှာ ၁၅ နှစ်အထက်လျှင် ၇၉.၄ ရာခိုင်နှုန်းရှိပြီး ကျောင်းတက် သည့်ရာခိုင်နှုန်းမှာ ၇၈.၅ ရာခိုင်နှုန်း၊ မတက်သည့် ရာခိုင်နှုန်းမှာ ၁၀.၅ ရာခိုင်နှုန်းနှင့် လုံးဝကျောင်းမနေဘူးသူ ၁၁.၀ ရာခိုင်နှုန်းရှိသည်။ ရာခိုင်နှုန်းအရ မနည်းလှသည်ဆိုရသော်လည်း ကျောင်းနေလိုက်သည် ဆိုတာနှင့် စာတတ်မြောက်သွားသည်ဟုပြော၍မရပေ။ နှစ်စဉ် တက္ကသိုလ်ဝင်တန်း အောင်ချက်နည်းနေခြင်းက သက်သေပြနေပါသည်။

ယခုအခါ ကျောင်းဆရာများအား  ထောင်ဂဏန်းဖြင့် ခန့်အပ်မှုများရှိသော်လည်း လိုအပ်သည့် ဦးရေ မရနိုင်သေးကြောင်း       Chin World နှင့် ချင်းပြည်နယ်လူမှုရေးဝန်ကြီး ပေါင်လွင်မင်းထန် အင်တာဗျူးစဉ်က ပြောကြားခဲ့သည်။ ခန့်အပ်ခံထားရသည့် ဆရာများအနေဖြင့် အမှန်တကယ် အရည်အချင်းရှိပြီး စေတနာလည်းရှိမှ ကျောင်းသူ ကျောင်းသားများအတွက် အထောက်အကူဖြစ်နိုင်မည်ဖြစ်ကြောင်း အထက်တန်းကျောင်းဆရာအငြိမ်းစားတစ်ဦးကထောက်ပြသည်။

အထက်တန်းပြဆရာအငြိမ်းစား ဦးဘူဖွေက “ ကျွန်တော်တို့တုန်းကဆိုရင် တကယ်ကြိုးစားခဲ့ကြတယ်။ ပညာ တွေကောင်းကောင်းရယူစေချင်တဲ့စေတနာအပြည့်နဲ့သင်ကြားရမှာဆိုတော့ ကျွန်တော်တို့ကိုင်တိုင်ကိုင်တွယ် တဲ့ဘာသာမှာ အမှန်တကယ်ထူးချွန်အောင်လုပ်ကြတယ်” ဟုပြောသည်။

လက်ရှိချင်းပြည်နယ်ပညာရေးနိမ့်ကျရခြင်း၏ အဓိကအကြောင်းရင်းမှာ ကျောင်းသူကျောင်းသားများအနေဖြင့် အခြေခံပညာမကြေသည့်ပြသနာဖြစ်နေပြီး ပညာရေးစနစ်ပြောင်းလဲရန် အောက်ခြေမှစတင်ပြောင်း လဲဖို့လိုမည်ဖြစ်ကြောင်း ကျောင်းဆရာ/မများကိုယ်တိုင် ပညာရေးအခြေအနေအပေါ် သုံးသပ်ကြသည်။

“ ကလေးတွေက ရွာတွေမှာ အောက်သက်မကြေပဲ အထက်တန်းကိုရောက်လာကြတယ်။ မြို့ပေါ်မှာ အထက်တန်းကိုကျောင်းလာတက်ကြတယ်။ အဲလိုအောက်သက်မကြေတဲ့ ကလေးတွေကို အထက်တန်း အဆင့်ရောက်မှ ဘယ်လိုမှပြန်ပြင်လို့မရတော့ဘူး” ဟုအထက်တန်းပြ ဆရာမတစ်ဦးက ပြောသည်။

အဆိုပါအနေအထားကိုကြည့်ခြင်းအားဖြင့် လက်ရှိအချိန်မှ ပညာရေးပြုပြင်ပြောင်းလဲမှုကို စတင်ဆောင်ရွက် လာသည့်အတွက် ချင်းပြည်နယ်တက္ကသိုလ်ဝင်တန်းအောင်ချက်တိုးလာရန်မှာ နောင်ဆယ်နှစ် ၀န်းကျင်အထိ အခက်အခဲရှိအုံးမည်ဖြစ်သည်။

ချင်းပြည်နယ်ပညာရေးနိမ့်ပါးရခြင်းမှာ ဆရာဆရာမများမလုံလောက်မှု၊ အရည်အချင်းပြည့်မီသည့် ဆရာဆရာမများရှားပါးမှုများအပြင် တစ်ဖက်တွင် ဆင်းရဲမွဲတေခြင်းကြောင့်လည်းဖြစ်ကြောင်း၊ ဆင်းရဲမွဲတေမှုကြောင့် ပညာရေးပိုင်းတွင် မိဘများမှဦးစားမပေးခြင်း၊ ကလေးငယ်များ၏ လိုအပ်သည့် သင်ထောက်ကူပစ္စည်းများမပံ့ပိုးနိုင်ခြင်း၊ ဆရာဆရာမအချို့အနေဖြင့် တစ်ဖက်တွင် အသက်မွေးဝမ်းကြောင်းလုပ်ငန်းများဆောင်ရွက်ရခြင်းကြောင့်လည်း ပါဝင်ကြောင်းထောက်ပြကြသည်။

ချင်းလူမှုအဖွဲ့အစည်းကွန်ယက်တာဝန်ခံ ဦးယာကုတ်ထန်က “ ပညာရေးပိုင်းအခုလိုဖြစ်တာ ဆင်းရဲမွဲတေမှု ကြောင့်လည်းပါတယ်။ ဆင်းရဲမွဲတေမှုကလည်းအဓိကဖြစ်နေတော့ အဲဒါကိုဖြေရှင်းဖို့ အသေးစားချေး ငွေလုပ်ငန်းများကို ထိရောက်စွာဆောင်ရွက်သင့်တယ်”ဟု ပြောသည်။

သူ့အနေဖြင့် ယခင်ကလည်း အသေးစားချေးငွေနှင့်ပါတ်သက်ပြီး ငွေရေးကြေးရေးရှိပြီးသားသူများထံ ရောက်ရှိမှုများကြားသိခဲ့ရခြင်းကြောင့် ယခုအစိုးရသက်တမ်းတွင်မူ အမှန်တကယ်လိုအပ်သည့် လူ့အသိုင်း အ၀ိုင်းထံ အသေးစားချေးငွေများပိုမိုရောက်သင့်ကြောင်းနှင့် စနစ်တကျစိစစ်ဆောင်ရွက်သင့်ကြောင်း၊ ဆင်းရဲမွဲတေမှုလျော့ချနိုင်မှသာ ပညာရေးပိုင်းတွင်လည်း တစ်စိုက်မတ်မတ် ဆောင်ရွက်နိုင် မည်ဖြစ်သည်ဟုဆိုသည်။

 လာဘ်ပေးလာဘ်ယူနှင့် အခြားကဏ္ဍ

အဲန်အယ်ဒီအစိုးရမတက်လာခင် လာဘ်ပေးလာဘ်ယူကိစ္စကို ပပျောက်အောင် ဆောင်ရွက်မည်ဟု ကြွေးကြော် ခဲ့သည့်အတိုင်း အစိုးရသစ်အနေဖြင့် ငါးနှစ်အတွင်း မည်ကဲ့သို့အလေးထားဆောင်ရွက်မည် ဆိုသည့် အချက်ကိုလည်း စောင့်ကြည့်ရမည်ဖြစ်သည်။ အစိုးရအနေဖြင့် ကြွေးကြော်ခဲ့သည့်အတိုင်း ဦးစားပေးအဖြစ်ဆောင်ရွက်ရမည်ဖြစ်သည်။ ယခင်အစိုးရခေတ်အဆက်ဆက်က အထူးသဖြင့်ဝန်ထမ်းလောကကြားတွင် စွဲမြဲနေသည့် လာဘ်ပေးလာဘ်ယူစနစ်ကြီးကို လျစ်လျူရှု၍မရပေ။ ချင်းပြည်နယ်တွင် အများအားဖြင့် အခြားစီးပွားရေးကဏ္ဍများ မဖွံ့ဖြိုးခြင်းကြောင့် ၀န်ထမ်းလျှောက်ထားခြင်း၊ အလုပ်ပြောင်းရွှေ့လိုခြင်းစသည့် ကိစ္စများတွင် အဓိက လာဘ်ပေးလာဘ်ယူရှိကြောင်းသိရသည်။

Chin World သတင်းဌာနအနေဖြင့် ခိုင်လုံသည့် သတင်းရင်းမြစ်များ၊ ကိုယ်တိုင်ငွေပေးခဲ့ရသူများ၏ သတင်းပေးမှုများမှတစ်ဆင့် ၀န်ထမ်းလျှောက်ထားရာတွင်ဖြစ်စေ၊ တာဝန်ကျလိုသည့်နေရာအားရွေးချယ်ရာတွင်ဖြစ်စေ ကျပ်ဆယ် သိန်းနှင့်အထက် လာဘ်ပေးခဲ့မှုများရှိကြောင်း ဖော်ပြခဲ့ဖူးသည်။

ဝန်ထမ်းသက်တမ်း သုံးနှစ်ရှိပြီဖြစ်သည့် အစိုးရ၀န်ထမ်းတစ်ဦးက “ ကျွန်တော်ဝန်ထမ်းလျှောက်မယ်လုပ်တော့ လုပ်ပိုင်ခွင့်ရှိသူတွေဆီကို ချည်းကပ်ဖို့အတွက် ကျွန်တော်စီးလက်စ ဆိုင်ကယ်ကိုတောင်ရောင်းပြီး အလုပ်တစ်နေရာရဖို့ လုပ်ခဲ့ရတယ်” ဟုပြောသည်။

ကျောင်းဆရာမလျှောက်ထားဖူးသူကလည်း “ ကျွန်မကို သက်ဆိုင်ရာဌာနလူကြီးတွေနဲ့ ရင်းနှီးတဲ့လူတွေ ကပြောတယ်။ ချင်းပြည်နယ်မှာ မြို့ပေါ်တာဝန်ကျချင်ရင် ၁၅ သိန်းလောက်ပေးရတယ်တဲ့။ ကျွန်မလည်း အဲ့လောက်ငွေမတတ်နိုင်တာရယ်၊ ဒီအလုပ်လေးရဖို့ အတွက်ငွေအများကြီးရင်းတာမျိုးမကြိုက်လို့ အလုပ်မ လျှောက်လိုက်တော့ဘူး” ဟုယခင်အလုပ်လျှောက်ခဲ့စဉ်အတွေ့အကြုံကိုပြန်ပြောပြသည်။

လက်ရှိအစိုးရ၀န်ထမ်းဆောင်ရွက်နေကြသည့် လူငယ်အချို့တွင်လည်း အလုပ်အားချိန်များ၌ ဘောလုံးကစားရင်း အချင်းချင်း ၁၀ သိန်းတန်၊ ၁၅ သိန်းတန်စသည်ဖြင့် စနောက်ကြသည်ဟုဆိုသည်။

“ အဲလိုစနောက်ကြတာက အမှန်တော့ ၀န်ထမ်းလျှောက်ခဲ့တုန်းက ပေးခဲ့ရတဲ့ ငွေကြေးပမာဏတွေဖြစ်တယ်” ဟုလက်ရှိလူငယ်အစိုးရ၀န်ထမ်းတစ်ဦးကပြောသည်။

ခေတ်အဆက်ဆက် ကပ်ဆိုးကြီးကဲ့သို့ ဖြစ်ခဲ့သည့် လာဘ်ပေးလာဘ်ယူကိစ္စအား လက်ရှိအဲန်အယ်ဒီ အစိုးရအနေဖြင့်  ရွေးကောက်ပွဲကာလများကတည်းက ကြွေးကြော်ခဲ့သည့်အတိုင်း ပပျောက်စေရန်နှင့် လူမှန်နေရာမှန်၊ အရည်အချင်းအမှန်ရှိသူများကို ငွေကြေး၊ တံစိုးလက်ဆောင်ပေးစရာမလိုပဲ ၀န်ထမ်းများအားခန့်ထားရန်လိုအပ်မည်ဖြစ်သည်။

ချင်းပြည်နယ်အစိုးရအနေဖြင့် ဆောင်ရွက်ရန်လုပ်ငန်းများစွာရှိမည်ဖြစ်သော်လည်း ငါးနှစ်အတွင်း အခြေခံလိုအပ်ချက်များအား တိုးတက်စေရန်လိုအပ်သည်။ ချင်းပြည်နယ်တွင်း လမ်းတံတား၊ ပညာရေး၊ ကျန်းမာရေး၊ အလုပ်အကိုင်အခွင့်အလမ်း၊ လျှပ်စစ်မီးရရှိရေး၊ နယ်စပ်ကုန်သွယ်ရေး၊ စသည့်လိုအပ်ချက်များစွာရှိသော်လည်း ငါးနှစ်အတွင်း အခြေခံကျသည့် လမ်းပန်းဆက်သွယ်ရေး၊ ပညာရေး၊ လာဘ်ပေးလာဘ်ယူပပျောက်ရေးကို ဦးစားပေးလုပ်ငန်းအဖြစ် ထိထိရောက်ရောက် ဆောင်ရွက်နိုင်လျှင် ချင်းပြည်သူများအတွက် ပြောင်းလဲချိန်တန်ပြီဆိုသည့် ဆောင်ပုဒ်မှာ အတိုင်းအတာတစ်ခုအထိ အသက်ဝင်သည်ဟု ယူဆရမည်ဖြစ်သည်။ ယခုအစိုးရသက်တမ်းတွင် ချင်းပြည်နယ်၏ အခြေခံလိုအပ်ချက်များအား သိသာထင်မြင်စွာ ဖော်ဆောင်နိုင်လျှင် နောင်အနာဂါတ်အစိုးရအဆက်ဆက် လုပ်ငန်းဆောင်ရွက်မှုပိုမိုလွယ်ကူလာမည်ဖြစ်ပြီး အစိုးရအဆက်ဆက် ချင်းပြည်နယ်မှာ တိုးတက်လာမည်ဖြစ်သည်။ ချင်းပြည်နယ်အစိုးရအနေဖြင့် ချင်းပြည်နယ်တိုးတက်လာရေးအတွက် လုပ်ဆောင်ရမည့် လုပ်ငန်းများစွာ ရှိနေချိန်တွင် အခြားအသေးအမွှားကိစ္စရပ်များအပေါ် အလေးထားအာရုံစိုက်ခြင်းမျိုးကို လည်းရှောင်ရှားဖို့လိုမည်ဖြစ်သည်။ ထို့အပြင် လူထုရွေးချယ်တင်မြှောက်လိုက်သည့် ကိုယ်စားလှယ်များမှ အစိုးရအဖွဲ့ဖြစ်လာခြင်းကြောင့် ဆောင်ရွက်မည့်စီမံကိန်း၊ လုပ်ငန်းများကို မီဒီယာများမှတစ်ဆင့် လူထုထံအချိန်မရွေး ပွင့်လင်းမြင်သာစွာ အသိပေးရန်လည်းလိုအပ်ပါသည်။ အစိုးရသက်တမ်း ကုန်ဆုံးချိန်တွင်လည်း အဆိုပါအချက်များ၏ တိုးတက်မှုအခြေအနေဖြင့် ပြည်နယ်အစိုးရအဖွဲ့အပေါ် တိုင်းတာကြရမည်ဖြစ်သည်။

 

 

Latest Post

Leave a Reply

Your email address will not be published. Required fields are marked *