မိမိတို့အား လုပ်ပိုင်ခွင့်ပေးပါက နှစ်နှစ်အတွင်း ဖလမ်းလေယာဉ်ကွင်းအပြီးတည်ဆောက်မည်ဟု ဂျပန်ကုမ္ပဏီများဆို

Home » Chin News » မိမိတို့အား လုပ်ပိုင်ခွင့်ပေးပါက နှစ်နှစ်အတွင်း ဖလမ်းလေယာဉ်ကွင်းအပြီးတည်ဆောက်မည်ဟု ဂျပန်ကုမ္ပဏီများဆို

By Lal Nun Uk on October 19, 2016. No Comments

14725617_1250141338364919_9164043690687120946_n

ပုံ- ဂျာပန်ကုမ္ပဏီများက ဖလမ်းလေယာဉ်ကွင်းအား အောက်တိုဘာ ၁၆ ရက်တွင်ကြည့်ရှုနေကြစဉ်(ဓာတ်ပုံ- Salai Lungpi Memu Facebook)

မိုင်ဘွဲ့ထန်ပါရ်

ဂျပန်ကုမ္ပဏီ နှစ်ခုဖြစ်သော KLL Amazing Company နှင့် Zakada Company က ဖလမ်းလေယာဉ်ကွင်းကိုတည်ဆောက်ခွင့်ပေးပါက နှစ်နှစ်အတွင်းအပြီးဆောက်လုပ်သွားမည်ဟုပြောကြားခဲ့ကြောင်းသိရသည်။

အဆိုပါ ကုမ္ပဏီတို့သည် ဖလမ်းမြို့ လေယာဉ်ကွင်းသို့ အောက်တိုဘာ ၁၆ ရက်နေ့တွင်လာရောက်လေ့လာခဲ့ခြင်းဖြစ်သည်။

“ကျွန်တော်တို့ကို ဆောက်ဖို့တာဝန်ပေးထားရင် ကျွန်တော်တို့ဘက်က နှစ်နှစ်အတွင်း ပြီးအောင် ဆောင်ရွက်ပေးမယ်လို့ဂျပန်ကုမ္ပဏီတွေကပြောတယ်။ ဒီစီမံကိန်းကတော့ အစိုးရက လုပ်လက်စဆိုတော့ လွှတ်တော်က ဆုံးဖြတ်မှပဲရမယ်။ အစိုးရက ခွင့်ပြုမှ ရမှာလေ”ဟု ဖလမ်းမြို့မိ၊မြို့ဖကော်မတီ ဥက္ကဌ ဦးဟရန်လောမ်က ပြောသည်။

၂၀၁၆-၂၀၁၇ ဘဏ္ဍနှစ်တွင် ဖလမ်းမြို့ လေယာဉ်တည်ဆောက်ရေးစီမံကိန်းအတွက် ပြည်ထောင်စုလွှတ်တော်မှ ကျပ်သိန်း ခြောက်ထောင် လျာထားကြောင်းသိရသည်။

14720417_1250141245031595_1292939167733494063_n

ပုံ- ဂျာပန်ကုမ္ပဏီများက ဖလမ်းလေယာဉ်ကွင်းအား အောက်တိုဘာ ၁၆ ရက်တွင်ကြည့်ရှုနေကြစဉ်(ဓာတ်ပုံ- Salai Lungpi Memu Facebook)

“အစိုးရကတော့ နိုင်ငံခြားကုမ္ပဏီတွေဆီမှာ ဆောက်လုပ်ခွင့်ပေးနိုင်တယ်။ ဒါပေမယ့် သူ ပေးချင်လား၊ မပေးချင်ဘူးလားဆိုတာပဲရှိမယ်”ဟု ဖလမ်းမြို့နယ် အမျိုးသားလွှတ်တော်ကိုယ်စားလှယ် ဦးဇုန်လှယ်ထန်ကပြောသည်။

ယခုကဲ့သို့ ဘတ်ဂျက်အနည်းငယ်ဖြစ်နှစ်တိုင်းလုပ်ဆောင်နေပါက တည်ဆောက်ချိန်ကာလကြာမြင့်မည်ဖြစ်သောကြောင့် အန်အယ်ဒီအစိုးရ လက်ထက်တွင်ပြီးစီးနိုင်ရန် ချင်းပြည်နယ် ဝန်ကြီးချုပ်က ပို့ဆောင်ရေးဝန်ကြီးဌာနထံသို့ စာတင်ထားကြောင်းသိရသည်။

ဖလမ်းမြို့ လေယာဉ်ကွင်းကို ၂၀၁၄ ခုနှစ် နိုဝင်ဘာလတွင် ဒေသခံများက ကိုယ်ထူကိုယ်ထဖြစ် စတင်လုပ်ဆောင်ကြရာ ၂၀၁၅-၂၀၁၆ ဘဏ္ဍာနှစ်တွင် နိုင်ငံတော်အစိုးရ ဘတ်ဂျက်ဖြစ် စတင်လုပ်ဆောင်ခဲ့သည်။ ထို့ပြင် ဦးနေဝင်းလက်ထက်တွင် ယင်းနေရာ၌ ဒေသခံများက ကိုယ်ထူကိုယ်ထဖြစ် လေယာဉ်ကွင်းတည်ဆောက်ရေးလုပ်ဆောင်ခဲ့ကြသော်လည်း ရပ်နားခဲ့သည်။

Latest Post

Leave a Reply

Your email address will not be published. Required fields are marked *