ချင်းပြည်နယ်အပါအ၀င်သွားလာရေးနှင့် လူမှုရေးခက်ခဲသောဒေသများမှ တက္ကသိုလ်ဝင်တန်းအောင်မြင်သူများ အမှတ်သတ်မှတ်ချက်မရှိပဲ ဆေးတက္ကသိုလ်များသို့ တက်ရောက်ခွင့်ရှိ

Home » Chin News » ချင်းပြည်နယ်အပါအ၀င်သွားလာရေးနှင့် လူမှုရေးခက်ခဲသောဒေသများမှ တက္ကသိုလ်ဝင်တန်းအောင်မြင်သူများ အမှတ်သတ်မှတ်ချက်မရှိပဲ ဆေးတက္ကသိုလ်များသို့ တက်ရောက်ခွင့်ရှိ

By Chin World on October 28, 2016. No Comments

steven-tlangchy-copy

မိုင်ဘွဲ့ထန်ပါရ်

နိုင်ငံတော်မှ ထုတ်ပြန်ထားသော ဒေသစရိတ်ခံစားခွင့်ရှိသည့် သွားလာရေးနှင့် လူမှုရေးခက်ခဲသောဒေသများမှ တက္ကသိုလ် ၀င်တန်းအောင်မြင်သူများ အနေဖြင့် ကျန်းမာရေးနှင့် အားကစားဝန်ကြီးဌာန၊ ဆေးဘက်ဆိုင်ရာ လူ့စွမ်းအားအရင်းအမြစ် ဖွံ့ဖြိုးတိုးတက်ရေးနှင့် စီမံခန့်ခွဲရေးဦးစီးဌာန၊ ဆေးတက္ကသိုလ်များသို့ အမှတ်ခွဲခြားခြင်းမရှိပဲ တက်ရောက် လာနိုင်တော့ မည်ဖြစ်သည်ဟု ကြေးမုံသတင်းစာ အောက်တုိဘာ ၂၄ နေ့ထုတ်တွင် သက်ဆိုင်ရာဌာနမှဖော်ပြထားသည်။

“အသက်မွေးဝမ်းကြောင်းတက္ကသိုလ်တစ်ခုဖြစ်တဲ့အတွက်ကြောင့် ခုလိုအမှတ်မကြည့်ဘဲခေါ်တဲ့အတွက် ဝမ်းသာအားရ မစဉ်းစားဘဲ မလျှောက်စေချင်ပါဘူးတကယ်ဝါသနာပါတဲ့သူတွေကိုသာလျှောက်စေချင်ပါတယ်။ တကယ်ဝါသနာပါပေမဲ့ တက္ကသိုလ်က တရားဝင်သတ်မှတ်ထားတဲ့ အမှတ်ကိုမမီလို့ မတက်ရမယ့်သူတွေအတွက်တော့ အရမ်းကောင်းပါတယ်”ဟု ဟားခါးမြို့မှ အစားအသောက် ဦးစီးအရာရှိ ဒေါက်တာဂျိုးဇက်ဗန်ဘွေအုပ်ကပြောသည်။

ကိုယ်ပိုင်အုပ်ချုပ်ခွင့်ရဒေသများဖြစ်သော (နာဂ၊ ဓနု၊ ပအိုဝ်း၊ ပလောင်၊ ကိုးကန့်၊ ၀)နှင့် နိုင်ငံတော်မှ ထုတ်ပြန်ထားသော  ဒေသ စရိတ်ခံစားခွင့်ရှိသည့် သွားလာရေးနှင့် လူမှုရေးခက်ခဲသော ဒေသများတွင် အမြဲနေထိုင်သူဖြစ်ရမည်၊ ၂၀၁၆ခုနှစ် တက္ကသိုလ်ဝင်တန်း စာမေးပွဲတွင် မြန်မာစာ၊ အင်္ဂလိပ်စာ၊ သချာင်္၊ ဓာတုဗေဒ၊ ရှုပဗေဒ၊ ဇီဝဗေဒ ဘာသာတွဲဖြင့် အောင်မြင်သူဖြစ်ရမည်၊ အခြေခံပညာ သင်တန်း (၈တန်း၊ ၉တန်း၊ ၁၀တန်း) များကို ၄င်းဒေသများတွင် ဆက်တိုက်ပညာင်ကြားခဲ့ပြီး ၄င်းဒေသများမှပင် တက္ကသိုလ်ဝင်တန်း စာမေးပွဲအောင်မြင်သူဖြစ်ရမည်။

လျှောက်လွှာနှင့်အတူ အောက်ပါအချက်များ ပူးတွဲတင်ပြရမည်ဖြစ်ကြောင်း မြန်မာနိုင်ငံစာစစ်အဖွဲ့မှ ထုတ်ပေးသည့် တက္ကသိုလ်ဝင်စာမေးပွဲအောင်ရမှတ်စာရင်း(မူရင်း)တစ်စောင်၊ ၄င်းဒေသရှိ ကျောင်း၌ ၄ နှစ်ဆက်တိုက်တက်ရောက်ခဲ့သူဖြစ်ကြောင်းနှင့် တက္ကသိုလ်ဝင်တန်းစားမေးပွဲ အား ၄င်းဒေသရှိ စာစစ်ဌာနမှ အောင်မြင်သူဖြစ်ကြောင်း သက်ဆိုင်ရာ အခြေခံပညာအထက် တန်းကျောင်း၊ ကျောင်းအုပ်ကြီး၏ ထောက်ခံချက်နှင့် မြို့နယ်ပညာရေးမှူးတို့၏ ထောက်ခံချက်။ အိမ်ထောင်စုစာရင်းဇယားမိတ္တူ နှင့် ၄င်းဒေသတွင် (၃)နှစ်ဆက်တိုက် နေထိုင်သူဖြစ်ကြောင်း သက်ဆိုင်ရာ ဒေသအာဏာပိုင်များ၏ ထောက်ခံချက်။ လျှောက်ထားသူနှင့် မိဘနှစ်ပါးစလုံးတို့၏ နိုင်ငံသားစိစစ်ရေးကတ်မိတ္တူများ။ လိုင်စင်အရွယ်ရောင်စုံဓာတ်ပုံ(၂)။ ဘွဲ့ရရှိပြီးပါက မိမိဒေသတွင် (၅)နှစ် မပျက်မကွက်တာဝန်ထမ်းဆောင်ပါမည် ကတိပြုဝန်ခံချက်ဟု ကြေးမုံသတင်းစာတွင်ဖော်ပြထားသည်။

လျှောက်လွှာများကိုိ ၁၁-၁၁-၂၀၁၆ ရက်နောက်ဆုံးထား၍ကျန်းမာရေးနှင့် အားကစားဝန်ကြီးဌာန၊ ဆေးဘက်ဆိုင်ရာ လူ့စွမ်းအားအရင်းအမြစ် ဖွံ့ဖြိုးတိုးတက်ရေးနှင့် စီမံခန့်ခွဲရေးဦးစီးဌာန၊ ရုံးအမှတ်(၄)၊ နေပြည်တော်သို့ တိုက်ရိုက်ပေးပို့လျှောက်ထားနိုင်သည်။

Latest Post

Leave a Reply

Your email address will not be published. Required fields are marked *