ကချင်စစ်ပွဲရပ်စဲရေးနှင့် ပြည်တွင်းငြိမ်းချမ်းရေးအတွက် ကလေးမြို့ရှိချင်းလူမျိုးများဦးဆောင်၍ မနက်ဖြန် ဆန္ဒဖော်ထုတ်မည်

Home » Politics » ကချင်စစ်ပွဲရပ်စဲရေးနှင့် ပြည်တွင်းငြိမ်းချမ်းရေးအတွက် ကလေးမြို့ရှိချင်းလူမျိုးများဦးဆောင်၍ မနက်ဖြန် ဆန္ဒဖော်ထုတ်မည်

By Lal Nun Uk on October 28, 2016. No Comments

img_2987

ဆလိုင်းလာလ်နွန်အုပ်

မြန်မာနိုင်ငံငြိမ်းချမ်းရေးနှင့် ကချင်စစ်ပွဲရပ်စဲရေးအတွက် ကလေးမြို့ရှိ ချင်းလူမျိုးများဦးဆောင်၍ မနက်ဖြန် (အောက်တိုဘာ ၂၉) နံနက်တွင် စစ်ကိုင်းတိုင်းဒေသကြီး၊ ကလေးမြို့တွင် ဆန္ဒဖော်ထုတ်ပွဲကျင်းပမည်ဟု အဆိုပါဆန္ဒဖော်ထုတ်ရန် ခွင့်ပြုမိန့်တင်ပြသူ ဦးအုပ်လျန်ထံမှသတင်းရရှိသည်။

“အုပ်ချုပ်သူတွေက ကလေးမြို့မှာရှိတဲ့ ချင်းလူမျိုးတွေလည်း ငြိမ်းချမ်းရေးကိုလိုလားတဲ့အကြောင်းပြချင်တယ်။ ငြိမ်းချမ်းရေးကို စစ်ရေးနဲ့မဟုတ်ဘဲ စားပွဲဝိုင်းကနေဖြေရှင်းဖို့အစိုးရသိအောင် ဆန္ဒဖော်ထုတ်ခြင်းဖြစ်တယ်။ အဓိကတော့ ကချင်စစ်ပွဲအတွက်ဆုတောင်းပေးတဲ့သဘောဖြစ်တယ်”ဟု ဦးအုပ်လျန်ကပြောသည်။

ယင်းဆန္ဒပြပွဲအတွက် အစိုးရအာဏာပိုင်များထံ ခွင့်ပြုမိန့်ရရှိပြီဖြစ်ပြီး နံနက် ၈ နာရီမှစ၍ တာဟန်းရပ်ကွက် နေကြာတိုက်ရှေ့မှစုရပ်သတ်မှတ်ထားသည်။ ထို့နောက် ကလေးမြို့တံတားဦးမှ မြို့ပတ်လမ်းသို့ဆက်လက်ချီတက်ကာ တာဟန်း၊ နေကြာတိုက်ရှေ့တွင် ဆုတောင်းပြီးနောက်လူစုကွဲမည်ဖြစ်သည်။

ကချင်ပြည်နယ် ငြိမ်းချမ်းရေးနှင့် စစ်ဘေးဒုက္ခသည်များအတွက် အောက်တိုဘာ ၁၆ ရက်တွင် ချင်းပြည်နယ် ဟားခါးမြို့နှင့် ထန်တလန်မြို့တို့တွင်လည်းကောင်း၊ အောက်တိုဘာ ၂၀ ရက်တွင် တီးတိန်မြို့တွင်လည်းကောင်း၊ အောက်တိုဘာ ၂၄ ရက်တွင် ဖလမ်းမြို့တွင်လည်းကောင်း ဆန္ဒဖော်ထုတ်ပွဲနှင့် ဆုတောင်းပွဲများကျင်းပခဲ့ကြသည်။

ဆန္ဒဖော်ထုတ်စဉ် ကိုင်ဆောင်မည့်စာတမ်းများမှာ ထိုးစစ်ချက်ချင်းရပ်၊ ပြည်သူ့ဘဏ္ဍာဖြင့် ပြည်သူကိုမသတ်သင့်၊ နိုင်ငံရေးပြဿနာကို နိုင်ငံရေးဖြင့်ဖြေရှင်းပါ၊ ထိုးစစ်ဖြင့် တိုင်းရင်းစည်းလုံးညီညွှတ်ရေးမတည်ဆောက်နိုင်၊ တန်းတူဆက်ဆံမှုမရှိသရွှေ့ ငြိမ်းချမ်းရေးမရနိုင်၊ ငြိမ်းချမ်းမှုမရှိသရွေ့ တိုးတက်မှုမရှိနိုင်၊ ပြည်တွင်းစစ်တိုက်ဖို့ဘယ်အကြောင်းပြချက်မှမလို၊ ပြည်တွင်းစစ်မှာ ပြည်သူ့အစိုးရဘာလုပ်နေသလဲ စသည်တို့ဖြစ်သည်။

Latest Post

Leave a Reply

Your email address will not be published. Required fields are marked *