ပန်းဂေါ်ဖီစိမ်းစားခြင်းဖြင့် အသည်းပျက်စီးမှု လျှော့ချနိုင်ပြီး အသည်းကင်ဆာကို ကာကွယ်ပေးနိုင်

Home » Health » ပန်းဂေါ်ဖီစိမ်းစားခြင်းဖြင့် အသည်းပျက်စီးမှု လျှော့ချနိုင်ပြီး အသည်းကင်ဆာကို ကာကွယ်ပေးနိုင်

By Admin on March 8, 2016. No Comments

Broccoli

သီတင်းတစ်ပတ်လျှင် ပန်းဂေါ်ဖီစိမ်းကို (၃) ကြိမ်မှ (၅) ကြိမ်အထိ စားပေးခြင်းသည် ကင်ဆာအန္တရာယ်ကို တိုးစေသော အသည်းပျက်စီးမှုကို လျှော့ချပေးသည့်အပြင် အသည်းကင်ဆာအန္တရာယ်ကိုလည်း လျှော့ချပေးနိုင်သည်ဟု အမေရိကန်သုတေသနအသစ် တစ်ခုက ဖော်ပြသည်။

အသည်းကင်ဆာအန္တရာယ်ကို တိုးစေပြီး အသည်းချို့ယွင်းမှုကို ဖြစ်စေသော အသည်းအဆီဖုံးမှုကို သီတင်းတစ်ပတ်လျှင် ပန်းဂေါ်ဖီစိမ်းအကြိမ်အချို့စားပေးခြင်းဖြင့် ချေဖျက်နိုင်သည်ဟု အမေရိကန်နိုင်ငံ အီလီနွိုက်တက္ကသိုလ်သုတေသနပညာရှင်များက ပြောသည်။ ပန်းဂေါ်ဖီစိမ်းသည် ရင်သားကင်ဆာ၊ သုက်ရည်ဂလင်း ကင်ဆာနှင့် အူမကင်ဆာအပါအဝင် ကင်ဆာရောဂါအန္တရာယ်များကို လျှော့ချပေးသည့်အပြင် အသည်းပျက်စီးမှုကိုလည်း လျှော့ချပေးသည်။

သုတေသနပညာရှင်များသည်  ကြွက်များကို အသုံးပြု၍ လေ့လာခဲ့ကြသည်။ သုတေသနပညာရှင်များသည် ပန်းဂေါ်ဖီစိမ်းပါသော ထိန်းချုပ်ထားသည့် စားသောက်မှုပုံစံ၊ ပန်းဂေါ်ဖီစိမ်းမပါသော ထိန်းချုပ်ထားသည့် စားသောက်မှုပုံစံ၊ ပန်းဂေါ်ဖီစိမ်းပါသော အဆီနှင့် အချိုများသည့် အနောက်တိုင်းစားသောက်မှုပုံစံနှင့် ပန်းဂေါ်ဖီစိမ်းမပါသော အဆီနှင့် အချိုများသည့် အနောက်တိုင်းစားသောက်မှုပုံစံတို့ဖြင့် ကြွက်များအား အဖွဲ့လေးဖွဲ့ခွဲ၍ လေ့လာခဲ့ကြသည်။

အဆီနှင့် အချိုများသည့်အနောက်တိုင်းစားသောက်မှုပုံစံဖြင့် စားသောက်ရသော ကြွက်များ၏ အသည်းများတွင် ပိုကြီးသော ကင်ဆာအဖုများရှိနေကြောင်း သုတေသနပညာရှင်များ လေ့လာတွေ့ရှိသည်။ သို့ရာတွင် ၎င်းတို့၏စားသောက်မှုပုံစံထဲသို့ ပန်းဂေါ်ဖီစိမ်း ပေါင်းထည့်ခဲ့ပြီးနောက်တွင် ယင်းကင်ဆာအဖု အရေအတွက်မှာ လျော့ကျသွားကြောင်း လေ့လာတွေ့ရှိသည်။

ကြွက်များ၏စားသောက်မှုပုံစံထဲသို့ ပန်းဂေါ်ဖီစိမ်းပေါင်းထည့်လိုက်သောအခါ ကြွက်များ၏ခန္ဓာကိုယ်အလေးချိန်မှာ လျော့ကျခြင်းမရှိသော်လည်း အသည်းမှာ ပိုမိုကျန်းမာလာသည်ဟု သုတေသနအဖွဲ့က ပြောသည်။ ထို့ကြောင့် လူများ၏စားသောက်မှုတွင် ပန်း ဂေါ်ဖီစိမ်းထည့်စားခြင်းဖြင့် ပိုမိုကျန်းမာနိုင်စေသည်ဟု သုတေသနအဖွဲ့က ပြောသည်။

Ref: UPI

Latest Post

Leave a Reply

Your email address will not be published. Required fields are marked *