၁၉ ကြိမ်မြောက် ချင်းတက္ကသိုလ်ကျောင်းသားမိတ်သာဟာရအစီအစဉ် မတူပီတွင် ကျင်းပပြီးစီး

Home » Chin News » ၁၉ ကြိမ်မြောက် ချင်းတက္ကသိုလ်ကျောင်းသားမိတ်သာဟာရအစီအစဉ် မတူပီတွင် ကျင်းပပြီးစီး

By Admin on May 8, 2017. No Comments

၁၉ ကြိမ်မြောက် ချင်းတက္ကသိုလ်ကျောင်းသားမိတ်သာဟာရအစီအစဉ် မတူပီတွင် ကျင်းပပြီးစီး

Chin World
May 08, 2017
ချင်းကျောင်းသားများ တဦးနှင့်တဦးအကြားတွင် ချစ်ကြည်ရင်းနှီးစေရန်နှင့် စည်းလုံးညီညွတ်မှုခိုင်မာရန်အတွက် ရည်ရွယ်ကာ နှစ်စဉ် ချင်းပြည်နယ်ရှိ မြို့များတွင် ချင်းတက္ကသိုလ်ကျောင်းသား/သူများ တွေ့ဆုံလေ့ရှိကြရာ၊ ၁၉ ကြိမ်မြောက် တွေ့ဆုံမှု အစီအစဉ်အား မတူပီမြို့တွင် ဧပြီလ (၂၇) မှ မေလ (၁) ရက်အထိ ကျင်းပနိုင်ခဲ့ကြသည်ဟု သိရသည်။
ဤ ချင်းတက္ကသိုလ်ကျောင်းသား/သူများ မိတ်သာဟာရအစီအစဉ်တွင် အားကစားနည်းများ၊ ဖျော်ဖြေရေးအစီအစဉ်များဖြင့် မိတ်သာဟာရပြုလုပ်လေ့ရှိပြီး၊ ယခုနှစ်တွင် ကျောင်းသား/သူများအား “၂၁ ရာစုပင်လုံနှင့် ချင်းလူမျိုးများ၏ အနာဂတ်အကြောင်း”အား ပြောကြားရန်အတွက် ချင်းအမျိုးသားတပ်ဦး (CNF) ဥက္ကဌ ပူးဇင်ကျုံးအား ဖိတ်ကြားခဲ့သော်လည်း အာဏာပိုင်များမှ ခွင့်မပြုခဲ့ဟုလည်း သိရသည်။
အားကစားမိတ်သာဟာရအစီအစဉ်တွင် ကျောင်းသားများအတွက် ဘောလုံးနှင့် ကျောင်းသူများအတွက် ဘော်လီဘောအားကစားများအား ပြုလုပ်ခဲ့ရာ၊ ဘောလုံး(ကျား)တွင် ကန်ပက်လက်ကျောင်းသားများမှ ပထမဆုရရှိခဲ့ကာ၊ ဟားခါးကျောင်းသားများမှ ဒုတိယဆုရရှိခဲ့သည်ဟု သိရသည်။ ဘော်လီဘော(မ) တွင် ထန်တလန်ကျောင်းသူများမှ ပထမနှင့် မတူပီကျောင်းသူများမှ ဒုတိယဆုရရှိခဲ့သည်ဟု သိရသည်။
“Mister & Miss” အတွက်မူ ကျောင်းသားများတွက် ဟားခါးကျောင်းသားမှ ပထမဆု၊ ဖလမ်းကျောင်းသားမှ ဒုတိယဆုရရှိခဲ့ပြီး၊ Miss အတွက်မူ မတူပီကျောင်းသူမှ ပထမဆု၊ ဖလမ်းကျောင်းသူမှ ဒုတိယဆုနှင့် မီဇိုကျောင်းသူမှ တတိယဆုရရှိခဲ့သည်။ ထို့အပြင် ၁၉ ကြိမ်မြောက် ချင်းတက္ကသိုလ်ကျောင်းသား/သူများ မိတ်သာဟာရအစီအစဉ်၏ King အဖြစ် ကန်ပက်လက် ကျောင်းသားနှင့်၊ Queen အဖြစ် ဖလမ်းကျောင်းသူတို့ ရွေးချယ်ခြင်းခံရသည်ဟု CUSF ကျောင်းသားခေါင်းဆောင်တဦးဖြစ်သူ Salai Za Cung Hnin မှပြောသည်။
၁၉၉၆ ကျောင်းသားလှုပ်ရှားမှုများကြောင့် စစ်အစိုးရမှ တက္ကသိုလ်ကျောင်းများ ပိတ်လိုက်ရာတွင် ချင်းကျောင်းသားများအကြား အဆက်အသွယ်မပြတ်စေရန်အတွက် ရည်ရွယ်ကာ Chin University Student Fellowship (CUSF) အား ၁၉၉၈ တွင် ဖလမ်း၊ ဟားခါးနှင့် တီးတိန်ကျောင်းသားမှ ဖွဲ့စည်းကာ မိတ်သာဟာရအစီအစဉ်အား အစပြုခဲ့ခြင်းဖြစ်သည်။ နောက်ပိုင်းတွင် ချင်းပြည်နယ်အနှံ့မှ ကျောင်းသားများပါ ပါဝင်လာကာ ၁၉ ကြိမ်တိုင်ပြုလုပ်လာနိုင်ခဲ့ခြင်းလည်း ဖြစ်သည်။
ယခုနှစ် ၁၉ ကြိမ်မြောက် CUSF အစီအစဉ်သို့ ချင်းကျောင်းသား ၅၀၀ ကျော်တက်ရောက်နိုင်သည်ဟု CUSF ၏ ထုတ်ပြန်ကြေညာချက်တွင် ဖော်ပြထားသည်။
၂၀၁၆ ခုနှစ်တွင် ကျင်းပခဲ့သော ၁၈ ကြိမ်မြောက် CUSF အစီအစဉ်အား ဟားခါးမြို့တွင် ကျင်းပခဲ့ပြီး၊ လာမည့် အကြိမ် (၂၀) မြောက် ချင်းတက္ကသိုလ်ကျောင်းသား/သူများ မိတ်သာဟာရအစီအစဉ်ကို ဖလမ်းမြို့တွင် ကျင်းပကြမည်ဟုလည်း သိရသည်။

Latest Post

Leave a Reply

Your email address will not be published. Required fields are marked *